ರಾಜಕೀಯ ಕಾರ್ಯಕರ್ತರು ಅರ್ಧ ರಾಜಕಾರಣ, ಅರ್ಧ ಸೇವೆ ಮಾಡಿದರೇ ನಾಡು ಸಮೃದ್ಧ ಆಗುತ್ತೆ: ಎಚ್. ಕೆ ಪಾಟೀಲ

ಗದಗ: 2022 ರಲ್ಲಿ ಜನರ ಸೇವೆಗಾಗಿ 22 ಕೆಲಸಗಳನ್ನು ಸೇವಾ ತಂಡ ಮಾಡಬೇಕು ಅಂತ ಹೆಸರಿಸಲಾಯಿತು. ವೈದ್ಯಕೀಯ ತಪಾಸಣೆ, ಕಣ್ಣಿನ ಶಸ್ತ್ರ ಚಿಕಿತ್ಸೆ, ಕೈ-ಕಾಲು ಜೋಡಣೆ ಸೇರಿದಂತೆ ಹಲವು ಯೋಜನೆ ರೂಪಿಸಲಾಯಿತು. ರಾಜಕೀಯೆತರವಾಗಿ  2022-2023 ರ ಅವಧಿಯಲ್ಲಿ 80 ಸಾವಿರ ಜನರನ್ನು ಸೇವಾ ತಂಡದ ಕಾರ್ಯಕರ್ತರು ಸಂಪರ್ಕಿಸಿದ್ದಾರೆ. ರಾಜಕೀಯ ಕಾರ್ಯಕರ್ತರು ಅರ್ಧ ರಾಜಕಾರಣ, ಅರ್ಧ ಸೇವೆ ಮಾಡಿದರೇ ನೆಮ್ಮದಿಯ ನಾಡು, ಶಾಂತಿಯ ನೆಲೆಬೀಡು ಆಗುತ್ತದೆ. ಇದೇ ಸೇವಾ ತಂಡದ ಮೂಲ ಉದ್ದೇಶವಾಗಿದೆ ಅಂತ ಜಿಲ್ಲಾ ಉಸ್ತುವಾರಿ ಸಚಿವ ಡಾ. ಎಚ್. ಕೆ ಪಾಟೀಲ ಅಭಿಪ್ರಾಯಪಟ್ಟರು.

ನಗರದ ಕಾಟನ್ ಸೇಲ್ ಸೊಸೈಟಿ ಆವರಣದ ಸಭಾಭವನದಲ್ಲಿ ಕೆ. ಎಚ್ ಪಾಟೀಲ ಸೇವಾ ತಂಡದಿಂದ ಅಂಗಾಗಗಳ ದಾನ ಮಾಡಿ ಪ್ರತಿಜ್ಞೆಗೈದು ನೋಂದಾಯಿಸಿದ 1440 ದಾನಿಗಳಿಗೆ ಅಭಿನಂದನಾ ಸಮಾರಂಭ ಉದ್ದೇಶಿಸಿ ಮಾತನಾಡಿದರು.

ಸೇವಾ ತಂಡದಿಂದ ಕೇವಲ 20 ದಿನಗಳಲ್ಲಿ 2 ಸಾವಿರಕ್ಕೂ ಹೆಚ್ಚು ಅಂಗಾಗ ದಾನಿಗಳನ್ನು ಹುಡುಕಿ ದಾನ ಮಾಡಿಸಲಾಗಿದೆ. ಸೇವಾ ತಂಡದ ಕಾರ್ಯಕರ್ತರು ಸೇವೆ ಎನ್ನುವ ಪದಕ್ಕೆ ಬದ್ದರಾಗಿ ಯಶಸ್ವಿಯಾಗಿ ಕೆಲಸ ಮಾಡಿದ್ದಾರೆ. ರಾಜಕೀಯ ಕಾರ್ಯಕರ್ತರು ಕೇವಲ ರಾಜಕೀಯ ಮಾಡುವದಷ್ಟೆ ಎನ್ನುವ ಮನಸ್ಥಿತಿ ದೇಶದಲ್ಲಿದೆ. ಆದರೆ, ಗದಗ ಮತಕ್ಷೇತ್ರದ ರಾಜಕೀಯ ಕಾರ್ಯಕರ್ತರು ಚುನಾವಣಾ ಸಮಯ ಹೊರತುಪಡಿಸಿ ಸೇವಾ ಮನೋಭಾವದಲ್ಲಿ ತೋಡಗಿ ದೇಶಕ್ಕೆ ಮಾದರಿಯಾಗಿದ್ದಾರೆ. ಕರೋನಾ ಸಮಯದಲ್ಲೂ ನಿರಂತರ ಸೇವೆ ಮಾಡಿ ಮಾನವೀಯತೆ ಮೆರೆದಿದ್ದಾರೆ. ಕರೋನಾ ಸಮಯದಲ್ಲಿ ರೋಗಿಗಳಿಗೆ ದೈರ್ಯ, ಆತ್ಮವಿಶ್ವಾಸ ತುಂಬುವ ಕೆಲಸ ಮಾಡಲಾಗಿತ್ತು ಅಂತ ಹೇಳಿದರು.

ಜೀಮ್ಸ್ ನಲ್ಲಿ ಆಕ್ಸಿಜನ್ ತೊಂದರೆ ಆದಾಗ ಸ್ಪಂಧಿಸುವ ಕೆಲಸ ಮಾಡಲಾಗಿದೆ. ಕೊಲ್ಹಾಪೂರದಿಂದ 25 ವೆಂಟಿಲೇಟರ್ ತರಿಸಿ ಜನರ ಜೀವ ಉಳಿಸುವ ಕೆಲಸ ಮಾಡಲಾಗಿದೆ. ಪಕ್ಷ, ಜಾತಿ, ಧರ್ಮ ಮೀರಿ ಸೇವಾ ತಂಡ ಕೆಲಸ ಮಾಡುತ್ತಿದೆ. ಸೇವಾ ತಂಡಕ್ಕೆ ದೇವರ ದಯೆ, ಹಿರಿಯ ಆಶೀರ್ವಾದ ಇದೆ. ಪಂಚ ಗ್ಯಾರಂಟಿ ಮೂಲಕ ರಾಜ್ಯದಲ್ಲಿ ಬಡತನವನ್ನು ಬೇರು ಸಮೇತ ಕಿತ್ತು ಹಾಕಿದ್ದೇವೆ. ಶಿರಹಟ್ಟಿ ತಾಲ್ಲೂಕಿನಲ್ಲಿ ರೋಗಿಗಳ ಮನೆ-ಮನೆಗೆ ತೆರಳಿ ಚಿಕಿತ್ಸೆ ನೀಡುವ ಮಹತ್ವಕಾಂಕ್ಷಿ ಯೋಜನೆ ಮಾಡಿದ್ದೇವೆ. ಮುಂದಿನ ದಿನಗಳಲ್ಲಿ ಈ ಕಾರ್ಯವನ್ನು ಜಿಲ್ಲೆಯಾಧ್ಯಂತ ವಿಸ್ತರಿಸಲಾಗುವುದು ಅಂತ ಸಚಿವರು ಭರವಸೆ ನೀಡಿದರು.

*ಕೋಟ್...*

ಆಗಷ್ಟ್ 14, 2022 ರಲ್ಲಿ ಸೇವಾ ತಂಡ ಉದಯವಾಯಿತು. ಡಾ. ಎಚ್. ಕೆ ಪಾಟೀಲ 21 ಸೇವೆಗಳನ್ನು ಗುರುತಿಸಿದರು. ಜುಲೈ 5, 2025 ರಲ್ಲಿ ಸೇವಾ ತಂಡವನ್ನು ನೋಂದಾಯಾಸಲಾಯಿತು. ಆಗಷ್ಟ್ 15 ರಂದು ಎಚ್. ಕೆ ಪಾಟೀಲರ ಹುಟ್ಟು ಹಬ್ಬದ ಅಂಗವಾಗಿ ಅಂಗಾಂಗ ದಾನ ಮಾಡಲು ಸೇವಾ ತಂಡದಿಂದ ತಿರ್ಮಾನ ಕೈಗೋಂಡು ಕೇವಲ19 ದಿನಗಳಲ್ಲಿ ಗದಗ-ಬೆಟಗೇರಿ ವ್ಯಾಪ್ತಿಯಲ್ಲಿ 1440 ಅಂಗಾಗ ದಾನ ಮಾಡಲಾಗಿದ್ದು, ಇದೂವರೆಗೂ ಒಟ್ಟಾರೆಯಾಗಿ 2 ಸಾವಿರಕ್ಕೂ ಅಧಿಕ ಜನರು ಅಂಗಾಂಗ ದಾನ ಮಾಡಿದ್ದಾರೆ.

ಪ್ರಭು ಬುರಬುರೆ

-ಸೇವಾ ತಂಡದ ಅಧ್ಯಕ್ಷ

ಈ ವೇಳೆ ಮಾಜಿ ಶಾಸಕ ಡಿ. ಆರ್ ಪಾಟೀಲ, ಧಾರವಾಡ ಹಿರಿಯ ಕಾಂಗ್ರೆಸ್ ಮುಖಂಡ ಹಿಂಡಸಗೇರಿ, ಹಾವೇರಿ ಕಾಂಗ್ರೆಸ್ ಜಿಲ್ಲಾಧ್ಯಕ್ಷ ಸಂಜೀವಕುಮಾರ ನೀರಲಗಿ, ಬ್ಯಾಡಗಿ ಶಾಸಕ ಬಸವರಾಜ ಶಿವಣ್ಣನವರ, ಕೋಟ್ರೇಶಪ್ಪ ಬಣೆಗಣ್ಣಿ, ಡಾ. ಪ್ಯಾರಾಲಿ ನೂರಾನಿ, ಜಿಲ್ಲಾ ಗ್ಯಾರಂಟಿ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಬಸವರಾಜ ಅಸೂಟಿ, ಅಶೋಕ ಮಂದಾಲಿ, ಸಿದ್ದಲಿಂಗೇಶ ಪಾಟೀಲ, ಹಿರಿಯ ಮುಖಂಡರಾದ ವಾಸಣ್ಣ ಕುರಡಗಿ, ಬಸವರಾಜ ಕಡೆಮನಿ, ಪ್ರಭು ಬುರಬುರೆ, ಜಿ. ಎಸ್ ಗಡ್ಡದೇವರಮಠ, ವಿದ್ಯಾಧರ ದೊಡ್ಡಮನಿ, ಅನಿಲಕುಮಾರ ಸಿದ್ದಮ್ಮನಹಳ್ಳಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.