ಮನೆ- ಮನದ ಅಂದಕ್ಕಾರವನ್ನ ಕಳೆಯಲು ಆಚರಿಸುವುದೆ ಕಾರ್ತಿಕ ದೀಪೋತ್ಸವ: ಡಾ.ಗಜಾನನ ಚೆನ್ನಶೆಟ್ಟಿ

ಗದಗ : ಮನೆ - ಮನದ ಅಂದಕ್ಕಾರನ್ನ ಕಳೆಯಲು ಬೆಳಗುವುದೆ ಕಾರ್ತಿಕ ದೀಪೋತ್ಸವದ ಪ್ರಮುಖ ಆಚರಣೆ ಆಗಿದೆ ಎಂದು ಜೀಮ್ಸ್ ಕಣ್ಣು ವಿಭಾಗದ ಮುಖ್ಯಸ್ಥ ಕಣ್ಣು ತಪಾಸಣಾ ತಜ್ಞ ಡಾ.ಗಜಾನನ ಚನ್ನಶೆಟ್ಟಿ ಹೇಳಿದರು.

ಅವರು ನಗರದ ಶ್ರೀ ಕೈಲಾಸ ವರಸಿದ್ಧಿ ಗಣಪತಿ ದೇವಸ್ಥಾನದಲ್ಲಿ ಕಾರ್ತಿಕ ಮಾಸದ ಅಮವಾಸ್ಯೆಯಂದು ಏರ್ಪಡಿಸಿದ್ದ ಸಾವಿರಾರು ದೀಪಗಳ ಸಾಲಿನ ದೀಪೋತ್ಸವವನ್ನು ದೀಪ ಬೆಳಗಿಸುವ ಮೂಲಕ ಉದ್ಘಾಟಿಸಿ ಮಾತನಾಡಿದರು.

ಅಹಂಕಾರದಿಂದ ಆವರಿತವಾಗಿರುವ ಮನಗಳನ್ನು, ಮನೆಗಳನ್ನು ದೀಪಗಳ ಅಲಂಕಾರದೊಂದಿಗೆ ಸತ್ಯಜ್ಯೋತಿಯ ದರ್ಶನವೇ ಕಾರ್ತಿಕ ದೀಪೋತ್ಸವವಾಗಿದೆ ಎಂದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ನಗರಸಭೆಯ ಪರಿಸರ ಅಭಿಯಂತರ ಆನಂದ ಬದಿಯವರು ಮಾತನಾಡಿ ಕತ್ತಲೆ ಕವಿದ ಬದುಕಲ್ಲಿ ಬೆಳಕು ಮೂಡಿಸುವ, ಹೊಸ ಬದಲಾವಣೆ ತರುವುದೇ ಕಾರ್ತಿಕ ದೀಪೋತ್ಸವ ಆಯೋಜನೆಯ ಮಹತ್ವವಾಗಿದೆ ಎಂದರು.

ಗದಗ ತಹಶೀಲ್ದಾರ ಕಚೇರಿ ಅಧಿಕಾರಿ ರಾಜು ಮಠದ ಮಾತನಾಡಿ ಎಲ್ಲ ಕ್ಷೇತ್ರದ ಕತ್ತಲೆಯ ಕಾರ್ಮೋಡ ದೂರವಾಗಿ ಬೆಳಕಿನ ಕಿರಣಗಳು ಪ್ರಜ್ವಲಿಸಲಿ ಎಂಬುದೆ ಕಾರ್ತಿಕ್ ಮಾಸದ ದೀಪೋತ್ಸವ ಆಚರಣೆಯ ಸಂಕೇತವಾಗಿದೆ ಎಂದರು.

ಉದ್ಘಾಟನಾ ದೀಪೋತ್ಸವ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಶ್ರೀ ಕೈಲಾಸ ವರಸಿದ್ಧಿ ಗಣಪತಿ ದೇವಸ್ಥಾನದ ಅಧ್ಯಕ್ಷ ಬಿ.ಪ್ರಸನ್ನಕುಮಾರ ಮಾತನಾಡಿ ಎಲ್ಲರ ಬಾಳು ಬೆಳಕಾಗಲಿ ಎಂದರಲ್ಲದೆ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಭಕ್ತರ ಬದುಕು ದೀಪದಂತೆ ಬೆಳಗಲಿ ಎಂದರು.

ಕಾರ್ಯಕ್ರಮಕ್ಕೆ ಆಗಮಿಸಿದ್ದ ಸರ್ವರನ್ನು ಟ್ರಸ್ಟ್ ಕಾರ್ಯದರ್ಶಿ ಯೋಗೇಶ ವೋರಾ ಸ್ವಾಗತಿಸಿದರು. ಕಾರ್ಯಕ್ರಮ ನಿರೂಪಿಸಿದ ಪತ್ರಕರ್ತ ಅನಂತ  ಎಸ್.ಕಾರ್ಕಳ ಪ್ರಾಸ್ತಾವಿಕವಾಗಿ ಮಾತಾಡಿದರು. ಕಾರ್ಯಕ್ರಮದ ಪ್ರಾರಂಭದಲ್ಲಿ   ಅರ್ಚಕರಾದ ಕೆ.ವ್ಹಿ.ಭಟ್ ಹಾಗೂ ಗಾಂವಕರ ನೇತೃತ್ವದಲ್ಲಿ ವೇದಘೋಷ ನಡೆಯಿತು. ಕೊನೆಯಲ್ಲಿ ವ್ಯವಸ್ಥಾಪಕ ರಾಮಚಂದ್ರ ಹೆಗಡೆ ವಂದಿಸಿದರು.