ಮುಸ್ಲಿಂ ಸಂಪ್ರದಾಯಂಅತೆ ಮದುವೆಯಾಗಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಈ ವಿಷಯ ವಿಶಾಲಕುಮಾರ್ ಅವರ ಕುಟುಂಬದವರಿಗೂ ತಲುಪಿದೆ. ವಿಶಾಲಕುಮಾರ್ ಅವರ ತಾಯಿ ಮಂಜುಳಾ ಗೋಕಾವಿ ಅವರು ಹಿಂದೂ ಸಂಪ್ರದಾಯದಂತೆಯೂ ಮದುವೆ ಮಾಡುವ ವಿಷಯವನ್ನು ತಹಸೀನ್ ಕುಟುಂಬವನ್ನು ಸಂಪಕಿರ್ಸಿ ಪ್ರಸ್ತಾಪಿಸಿದ್ದಾರೆ. ಕುಟುಂಬದ ಒಪ್ಪಿಗೆಯ ಮೇರೆಗೆ 2025 ಜೂ. 05ರಂದು ಗಾಂಧಿ ನಗರ ಸೆಟಲ್ಮೆಂಟ್ ನಗರದಲ್ಲಿನ ವಿಶಾಲಕುಮಾರ್ ಅವರ ಮನೆಯ ಎದುರು ಹಿಂದೂ ಸಂಪ್ರದಾಯದಂತೆ ಮದುವೆ ನಿಗದಿಪಡಿಸಲಾಗಿತ್ತು. ಆರಂಭದಲ್ಲಿ ಮದುವೆಗೆ ಒಪ್ಪಿಗೆ ನೀಡಿದ್ದ ತಹಸೀನ್, ನಂತರದಲ್ಲಿ ಕುಟುಂಬ ಮತ್ತು ಮುಸ್ಲಿಂ ಮುಖಂಡರ ಒತ್ತಾಯಕ್ಕೆ ಮಣಿದು ನಿರಾಕರಿಸಿದ್ದಾರೆ ಎನ್ನಲಾಗಿದೆ. ಅಲ್ಲದೆ, ತಹಸೀನ್ ಕಳೆದ ಒಂದು ತಿಂಗಳಿಂದ ಸಂಪರ್ಕಕ್ಕೆ ಸಿಗುತ್ತಿಲ್ಲ ಎಂದು ವಿಶಾಲಕುಮಾರ್ ತಿಳಿಸಿದ್ದಾರೆ.
