ಪೂರ್ಣಾನಂದ ಮಠದ ಪರಮ ಪೂಜ್ಯ ಶ್ರೀ ಬಸವಪ್ರಭು ಸ್ವಾಮಿಜಿ ಲೋಕಾಪೂರ ಇವರು ವಿದ್ಯಾರ್ಥಿಗಳನ್ನು ಉದ್ದೇಶಿಸಿ, ಈ ಶಾಲೆಗೆ ಆಗಮಿಸಿದರೆ ಸ್ವರ್ಗಲೋಕಕ್ಕೆ ಬಂದ ಹಾಗೇ ಭಾಸವಾಗುತ್ತದೆ. ಇಲ್ಲಿ ಕಲಿಯುವ ವಿದ್ಯಾರ್ಥಿಗಳು ಬಹಳ ಪುಣ್ಯ ಮಾಡಿದ್ದೀರಿ ಏಕೆಂದರೆ ಎಲ್ಲರಿಗೂ ಆರ್ದಶವಾಗಿರುವ ಈ ಶಾಲೆ ಪ್ರತಿಯೊಬ್ಬರಿಗೂ ಮಾದರಿಯಾಗಿದೆ. ಇಲ್ಲಿರುವ ಎಲ್ಲಾ ವಿದ್ಯಾರ್ಥಿಗಳು ಸಮಾಜದಲ್ಲಿ ಒಂದು ಉನ್ನತವಾದ ಸ್ಥಾನಕ್ಕೆ ಏರಬೇಕು. ನಿಮ್ಮೆಲ್ಲರಿಗೂ ಸರಸ್ವತಿಯ ಕೃಪೆ ಸಿಗಲಿ ಎಂದು ಆಶೀರ್ವಾದ ಗೈದರು. ದೇಶದ ಹಾಗೂ ತಂದೆ-ತಾಯಿಯರ ಆಸ್ತಿ ಎಂದರೆ ಈ ಮಕ್ಕಳು. ಇವರೇ ನಮಗೆ ಐಶ್ವರ್ಯ. ನಿಮ್ಮಗೆಲ್ಲರಿಗೂ ಉತ್ತಮವಾದ ಶಿಕ್ಷಣ ಕೊಡಿಸುವಲ್ಲಿ ತಂದೆ-ತಾಯಿಯರ ಶ್ರಮವಿರುತ್ತದೆ. ಅದಕ್ಕೋಸ್ಕರ ನೀವು ಶ್ರಮಪಟ್ಟು ಓದಿ, ಛಲದಿಂದ ಓದಿ ಶಿಕ್ಷಣದ ಎಲ್ಲ ರಂಗಗಳಲ್ಲೂ ಮುಂದೆ ಬರುವ ಶಕ್ತಿ ನಿಮ್ಮಲ್ಲಿದೆ ಅದನ್ನು ಸರಿಯಾಗಿ ಉಪಯೋಗಿಸಿಕೊಳ್ಳಿ. ಈ ಶಾಲೆಯಲ್ಲಿ ಹೆಜ್ಜೆ ಹೆಜ್ಜೆಗೂ ಕಣ್ಣಿಗೆ ಕಾಣುವ ಪ್ರತಿಯೊಂದು ನಾಮಫಲಕದ ಅಕ್ಷರಗಳಿಂದ ಜ್ಞಾನದ ಸಂಪಾದನೆ ಆಗುತ್ತದೆ. ಆಲಸ್ಯ, ದರಿದ್ರ, ನಿದ್ದೆ ಎಲ್ಲವನ್ನು ಸ್ವಲ್ಪ ಸಮಯದವರೆಗೆ ಬದಿಗೊತ್ತಿ ವಿದ್ಯೆ ಕಲಿಯುವ ಕಡೆಗೆ ನಿಮ್ಮ ಗಮನವನ್ನು ಹರಿಸಬೇಕೆಂದು ವಿದ್ಯಾಥಿಗಳಿಗೆ ಕಿವಿಮಾತು ಹೇಳಿದರು.
ಭಾರತೀಯ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷರಾದ ಪ್ರೊ.ಎಸ್.ವಾಯ್ ಚಿಕ್ಕಟ್ಟಿ ಗುರುಗಳು ಪ್ರಾಸ್ತಾವಿಕ ನುಡಿಗಳನ್ನಾಡಿದರು, ವಿನಯ್ ಚಿಕ್ಕಟ್ಟಿ ಪದವಿ ಪೂರ್ವ ಮಹಾವಿದ್ಯಾಲಯದ ಪ್ರಾಚಾರ್ಯರಾದ ಪ್ರೊ. ವಿನಯ್.ಎಸ್. ಚಿಕ್ಕಟ್ಟಿಯವರು ಸ್ವಾಗತಿಸಿದರು. ಬಿಪಿನ್ ಚಿಕ್ಕಟ್ಟಿ ಪದವಿ ಪೂರ್ವ ವಿಜ್ಞಾನ ಮಹಾವಿದ್ಯಾಲಯದ ಪ್ರಾಶುಂಪಾಲರಾದ ಪ್ರೊ. ಬಿಪಿನ್.ಎಸ್. ಚಿಕ್ಕಟ್ಟಿಯವರು, ವಿನಯ ಚಿಕ್ಕಟ್ಟಿ ಐ.ಸಿ.ಎಸ್.ಇ ಶಾಲೆಯ ಉಪಪ್ರಾಂಶುಪಾಲರಾದ ಶ್ರೀಮತಿ ಶೋಭಾ ಸ್ಥಾವರಮಠ ಅವರು, ಬಿಪಿನ್ ಚಿಕ್ಕಟ್ಟಿ ಆಂಗ್ಲ ಮಾಧ್ಯಮ ಶಾಲೆಯ ಉಪಮುಖ್ಯೋಪಾಧ್ಯಾಯರಾದ ಶ್ರೀಮತಿ ರೀಯಾನಾ ಮುಲ್ಲಾ ಅವರು, ಸಂಸ್ಥೆಯ ಶಿಕ್ಷಕವೃಂದ, ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಚಿಕ್ಕಟ್ಟಿ ಶಾಲೆಯ ವಿದ್ಯಾರ್ಥಿಗಳಾದ ಕುಮಾರಿ ಅವನಿ ಕುಲಕರ್ಣಿ ಹಾಗೂ ಕುಮಾರಿ ಅಸ್ಪೀಯಾ ಮುಲ್ಲಾ ಕಾರ್ಯಕ್ರಮದ ನಿರೂಪಣೆ ಗೈದರು, ಕುಮಾರ ಸಮರ್ಥ ಮುತಗಿ ಈ ಕಾರ್ಯಕ್ರಮದ ವಂದನಾರ್ಪಣೆ ಗೈದನು.
