ಗದಗ ಹೊಂಬಳ ಸಂಪರ್ಕ ಕಲ್ಪಿಸುವ ರೈಲ್ವೆ ಮೇಲ್ಸೇತವೆ ಕಾಮಗಾರಿ ನಾನಾ ಕಾರಣಗಳಿಂದ ಕಳೆದ ಎಂಟು ತಿಂಗಳಿಂದ ಸ್ಥಗಿತಗೊಂಡ ಕುರಿತು ಕಳೆದ ಸೆಪ್ಟಂಬರ್ ತಿಂಗಳಲ್ಲಿ ವಿಜಯವಾಣಿ ವರದಿ ಪ್ರಕಟಿಸಿತ್ತು. ಈ ಭಾಗದ ಜನರು ಅನುಭವಿಸುತ್ತಿರುವ ಸಮಸ್ಯೆಗಳ ಕುರಿತು ಬೆಳಕು ಚೆಲ್ಲಿತ್ತು. ಗುತ್ತಿಗೆದಾರರ ವಿಳಂಬ ಧೋರಣೆ, ಕಚ್ಚಾ ಸಾಮಗ್ರಿಗಳ ಬೆಲೆ ಅಧಿಕಗೊಂಡಿದ್ದು ಮತ್ತು ಆಡಳಿತಾತ್ಮ, ತಾಂತ್ರಿಕ ಸಮಸ್ಯೆಯಿಂದಾಗಿ 2017ರಲ್ಲಿ ಆರಂಭಗೊಂಡ ಕಾಮಗಾರಿ ಈ ವರೆಗೂ ರ್ಪೂಣಗೊಂಡಿಲ್ಲ. ನಗರದ ಗಂಗಾಪೂರ ಪೇಟೆ ಬಳಿ ಹುಬ್ಬಳ್ಳಿ&ವಿಜಯಪು ರೈಲ್ವೆ ಸಂಪರ್ಕವಿದ್ದು, ಗಂಗಾಪೂರ ಪೇಟೆಯಿಂದ ಹೊಂಬಳ ಗ್ರಾಮ, ಲಿಂಗದಾಳ ಮತ್ತು ಕೃಷ್ಣ ನಗರದ ಜನರು ಸಂಚರಿಸಲು ತೊಂದರೆ ಆಗುತ್ತಿದೆ. ಗದಗ ಹಾಗೂ ನರಗುಂದ ತಾಲೂಕಿಗೆ ಸಂಪಕಿರ್ ಕಲ್ಪಿಸುವ ನಗರದ ಎರಡೂ ಮಾರ್ಗಗಳಲ್ಲಿ ಈ ಮಾರ್ಗವೂ ಒಂದಾಗಿದೆ. ನರಗುಂದ&ಹೊಂಬಳ&ಗದಗ(ಗಂಗಾಪೂರ ಪೇಟೆ) ಮಾರ್ಗದಲ್ಲಿ ಸಂಚಾರ ದಟ್ಟಣೆ ಕಾರಣ 2017&18ರಲ್ಲಿ 16 ಕೋಟಿ ವೆಚ್ಚದಲ್ಲಿ ಬ್ರಿಡ್ಜ ಕಾಮಗಾಗಿ ಕೈಗೊಳ್ಳಲಾಗಿತ್ತು. ಕೋವಿಡ್ ನಿಂದ ಕಾಮಗಾರಿ ಸ್ಥಗಿತಗೊಂಡ ನಂತರ ಕಟ್ಟಡ ಸಾಮಗ್ರಿಗಳ ಬೆಲೆ ಏಕಾಏಕಿ ದ್ವಿಗುಣಗೊಂಡ ಕಾರಣ ಗುತ್ತಿಗೆದಾರರು ಕಾಮಗಾರಿ ಆರಂಭಿಸಲು ಹಿಂದೇಟು ಹಾಕಿದ್ದರು. ಹಾಗಾಗಿ ಹಳೆಯ ಗುತ್ತಿಗೆದಾರನ ಜತೆಗೆ ಒಪ್ಪಂದ ಮೇರೆಗೆ 16 ಕೋಟಿಯ ಯೋಜನೆ ಮೊತ್ತದ ಜತೆಗೆ ಹೆಚ್ಚುವರಿ 7 ಕೋಟಿ ಮೊತ್ತ ಸೇರಿಸಿ ಹೊಸ ಗುತ್ತಿಗೆದಾರ ಕಾಮಗಾರಿಯನ್ನು ಗುತ್ತಿಗೆ ನೀಡಲಾದ ಬಗ್ಗೆ ವಿಜಯವಾಣಿ ವರದಿಯಲ್ಲಿ ಉಲ್ಲೇಖಿಸಲಾಗಿತ್ತು.
