ಊರಿನ ಕೆಲಸ ಮಾಡದಿದ್ದರೂ ಮರು ಆಯ್ಕೆ:
ಊರಿನ ಕೆಲಸ ಮಾಡದೆ ಕೆಲವು ಅಭ್ಯರ್ಥಿಗಳು ಪ್ರತಿ ಬಾರಿ ಗೆಲ್ಲುತ್ತಿದ್ದಾರೆ. ಆದರೆ ಈ ಅಭ್ಯರ್ಥಿಗಳು ಮನೆ ಮನೆಯ ವೈಯಕ್ತಿಕ ಸಮಸ್ಯೆಗಳಿಗೆ ಸ್ಪಂದಿಸಿದ್ದಾರೆ. ಜಾತಿ ದೃಢೀಕರಣ, ಖಾತೆ ವರ್ಗಾವಣೆ, ಸಂಧ್ಯಾ ಸುರಕ್ಷಾ, ಭಾಗ್ಯಲಕ್ಷ್ಮೀ, ಗರ್ಭಿಣಿ, ಬಾಣಂತಿಯರಿಗೆ ಅಂಗನವಾಡಿ ಕೇಂದ್ರಗಳಿಂದ ಸೌಲಭ್ಯ ಕೊಡಿಸುವುದು, ತೋಟಗಾರಿಕೆ, ಕೃಷಿ ಇಲಾಖೆಗಳಿಂದ ಸೌಲಭ್ಯ ಕೊಡಿಸುವುದು, ಅರ್ಜಿ ಬರೆಯುವುದರಿಂದ ಹಿಡಿದು ಅಧಿಕಾರಿಗಳ ಜತೆ ವ್ಯವಹರಿಸುವವರೆಗೂ ಇವರ ಏಕಪಾತ್ರಾಭಿನಯ ಈ ಚುನಾವಣೆಯಲ್ಲಿ ಶ್ರೀರಕ್ಷೆಯಾಗಿದೆ. ಅಚ್ಚರಿಯ ಸಂಗತಿ ಎಂದರೆ ಇವರ ಬೆಂಬಲಿಗರು ಯಾರೂ ಹಣದ ಅಪೇಕ್ಷೆ ಇಲ್ಲದೆ ಮತ ಯಾಚನೆಯ ಕಾಯಕದಲ್ಲಿ ತೊಡಗಿದ್ದಾರೆ. ಅದಕ್ಕೂ ಹೆಚ್ಚಾಗಿ ಅವರ ಜಾತ್ಯಸ್ಥರು ಯಾರೂ ಹಣದ ನಿರೀಕ್ಷೆ ಮಾಡುವುದಿಲ್ಲ. ಇವರಿಂದ ವೈಯಕ್ತಿಕ ಕೆಲಸ ಮಾಡಿಕೊಂಡವರೂ ಹಣ ಯಾಚಿಸುವುದಿಲ್ಲ. ಇಂತಹ ಸೋಜಿಗದ ನಿದರ್ಶನಗಳು ಕೂಡ ಈ ಜಿಲ್ಲೆಯಲ್ಲಿವೆ. ವಿಶೇಷವೆಂದರೆ ಇಂಥವರು ಆಯಾ ಗ್ರಾಮದಲ್ಲಿ ಕಳೆದ ಹಲವು ಚುನಾವಣೆಗಳಿಂದಲೂ ಸೋಲಿಲ್ಲದ ಸರದಾರರು.
