ವಿಶ್ವ ಪಾರಂಪರಿಕ ತಾಣ ಹಂಪಿಗೆ ಭೇಟಿ ನೀಡುವ ಪ್ರವಾಸಿಗರ ಸುರಕ್ಷತೆಗಾಗಿ ಈ ಹಿಂದೆಯೇ ಆಯಕಟ್ಟಿನ ಜಾಗಗಳಲ್ಲಿ ಹವಾಮಾ ಮತ್ತು ಆರ್ಕಲಾಜಿಕಲ್ ಸರ್ವೆ ಆಫ್ ಇಂಡಿಯಾ ವತಿಯಿಂದ ಹತ್ತಾರು ಸಿಸಿಟಿವಿಗಳನ್ನು ಅಳವಡಿಸಿತ್ತು. ಇದೀಗ ಪೊಲೀಸ್ ಇಲಾಖೆಯಿಂದ ಜಿ.೨೦ ನಿಮಿತ್ತ ೧೧೫ ಸಿಸಿಟಿವಿಗಳನ್ನು ತಾತ್ಕಾಲಿಕವಾಗಿ ಅಳವಡಿಸಲಾಗುತ್ತಿದೆ. ಈ ಪೈಕಿ ಹಂಪಿಯ ಬಸ್ ನಿಲ್ದಾಣ, ವಾಹನಗಳ ನಿಲುಗಡೆ ಪ್ರದೇಶ, ಶ್ರೀ ಪಂಪಾವಿರೂಪಾಕ್ಷೇಶ್ವರ, ರಥ ಬೀದಿ, ಎದುರು ಬಸವಣ್ಣ, ಚಕ್ರತೀರ್ಥ, ಹಜಾರ ರಾಮ, ಕಡಲೆಕಾಳು ಗಣಪ, ಸಾಸ್ವಿಕಾಳು ಗಣಪ, ಕಮಲ ಮಂಟಪ, ಆನೆ ಸಾಲು, ಒಂಟೆ ಸಾಲು, ವಿಜಯ ವಿಠ್ಠಲ ದೇವಸ್ಥಾನ, ಕಮಲಾಪುರ ಅಂಬೇಡ್ಕರ್ ಸರ್ಕಲ್ ಸೇರಿದಂತೆ ಎಲ್ಲ ದೇವಸ್ಥಾನ, ಸ್ಮಾರಕಗಳು ಪ್ರಮುಖ ಸ್ಥಳಗಳು ಸೇರಿದಂತೆ ೧೫೦ಕ್ಕೂ ಹೆಚ್ಚು ಸಿಸಿ ಕ್ಯಾಮರಾಗಳು ಜನರ ಚಲನವಲನದ ಮೇಲೆ ನಿಗಾ ಇರಿಸಲಿವೆ.
