12 ತಾಲೂಕುಗಳಿರುವ ಜಿಲ್ಲೆಯಲ್ಲಿ ಕಾರವಾರದ ಕ್ರಿಮ್್ಸ ಸಂಸ್ಥೆಯ ಪ್ರಯೋಗಾಲಯದ ಮೂಲಕ ಮಾತ್ರ ಕೋವಿಡ್ ಪತ್ತೆ ನಡೆಸಲಾಗುತ್ತದೆ. ಕಳೆದ ಒಂದು ವರ್ಷದಲ್ಲಿ ಅಂದಾಜು 4,40,097 ಗಂಟಲು ದ್ರವ ಪರೀಕ್ಷೆ ಅಲ್ಲಿ ನಡೆಸಲಾಗಿದೆ. ದಿನದ 24 ಗಂಟೆಯೂ ಮೂರು ಪಾಳಿಯಲ್ಲಿ ಸರಾಸರಿ ಎರಡು ಸಾವಿರ ಪರೀಕ್ಷೆ ಅಲ್ಲಿ ನಡೆದಿದೆ. ಕಳೆದ ತಿಂಗಳಲ್ಲಿ ದಿನದ ಸರಾಸರಿ ಪ್ರಮಾಣ ಮೂರು ಸಾವಿರ ದಾಟಿತ್ತು. ಮೇ ಆರಂಭದಿಂದ ಜೂನ್ ಮಧ್ಯಂತರದವರೆಗೆ ಜಿಲ್ಲೆಯಲ್ಲಿ ಸಾವಿರಾರು ಕೋವಿಡ್ ಪ್ರಕರಣ ದಾಖಲಾಗಿದ್ದವು. ದೇಶದಲ್ಲೇ ಹೆಚ್ಚು ಪಾಸಿಟಿವಿಟಿ ದರ ದಾಖಲಾಗಿತ್ತು. ಪ್ರತಿ ತಾಲೂಕಿನಿಂದ ದಿನಕ್ಕೆ ಸಾವಿರಕ್ಕೂ ಹೆಚ್ಚು ಗಂಟಲದ್ರವ ರವಾನೆಯಾಗುತ್ತಿತ್ತು. ಆದರೆ, ಸೀಮಿತ ಸಂಖ್ಯೆಯ ಮಾದರಿಗಳನ್ನು ಮಾತ್ರ ಪರೀಕ್ಷೆಗೆ ಒಳಪಡಿಸಬೇಕಿತ್ತು. ಶಿರಸಿ, ಸಿದ್ದಾಪುರ, ಮುಂಡಗೋಡ ಭಾಗದಿಂದ ಸಂಗ್ರಹಿಸಲಾದ ಗಂಟಲದ್ರವ ಮಾದರಿಯನ್ನು ಕಾರವಾರಕ್ಕೆ ಕಳುಹಿಸಲು ಐದಾರು ತಾಸು ಬೇಕಾಗುತ್ತಿತ್ತು. ಜಿಲ್ಲೆಗೆ ಒಂದೇ ಪ್ರಯೋಗಾಲಯ ಇದ್ದುದರಿಂದ ಒತ್ತಡ ಅಧಿಕವಾಗಿ ವರದಿ ಬರುವುದು ವಿಳಂಬವಾಗಿ ಸಮಸ್ಯೆಗೆ ಕಾರಣವಾಗಿತ್ತು ಎನ್ನುತ್ತಾರೆ ಆರೋಗ್ಯ ಇಲಾಖೆ ಹಿರಿಯ ಅಧಿಕಾರಿಯೊಬ್ಬರು.
