ಹಿರೇಬಾಗೇವಾಡಿ: ಇತ್ತೀಚೆಗೆ ಬೈಕ್ಗಳನ್ನು ಕದ್ದು ಹಿರೇಬಾಗೇವಾಡಿ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದ ಕಳ್ಳನಿಂದ ಶುಕ್ರವಾರ ಮತ್ತಷ್ಟು ವಾಹನಗಳನ್ನು ವಶಪಡಿಸಿಕೊಂಡಿರುವ ಪೊಲೀಸರು, ಆತನಿಂದ ಬೈಕ್ ಖರೀದಿಸಿದವರನ್ನೂ ಬಂಧಿಸಿದ್ದಾರೆ. ತಿಗಡಿ ಗ್ರಾಮದ ಬೈಕ್ ಕಳ್ಳ ಆಝಾದ್ ಮೆಹಬೂಬಸುಭಾನಿ ಕಿಲ್ಲೇದಾರ (26) ಎಂಬಾತನನ್ನು ಬಂಧಿಸಿರುವ ಪೊಲೀಸರು, ಆತನಿಂದ ಈಗಾಗಲೇ 1.90 ಲಕ್ಷ ರೂಪಾಯಿ ಬೆಲೆ ಬಾಳುವ ಐದು ಬೈಕ್ಗಳನ್ನು ವಶಪಡಿಸಿಕೊಂಡಿದ್ದಾರೆ. ಬಂಧಿತ ಆಝಾದ್ನನ್ನು ತೀವ್ರ ವಿಚಾರಣೆಗೊಳಪಡಿಸಿದಾಗ ಆತ 4 ಹೊಂಡಾ ಶೈನ್, 4 ಹೀರೋ ಹೊಂಡಾ, 2 ಯಮಹಾ ಮತ್ತು 2 ಟಿವಿಎಸ್ ಬೈಕ್ ಸೇರಿ ಒಟ್ಟು 4.45 ಲಕ್ಷ ರೂಪಾಯಿ ಬೆಲೆ ಬಾಳುವ 12 ಬೈಕ್ಗಳನ್ನು ಕದ್ದಿರುವುದು ತಿಳಿದುಬಂದಿದೆ. ಅವುಗಳನ್ನೂ ಇದೀಗ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
