ಪುರಸಭೆಯಿಂದ ಸ್ವಚ್ಛತಾ ಶ್ರಮದಾನ

ಮುದಗಲ್: ಸ್ವಚ್ಛತಾ ಹೀ ಸೇವಾ ಅಭಿಯಾನದ ಅಡಿ ಮುಖ್ಯಾಧಿಕಾರಿ ಎಂ.ನಭಿ ಕಂದಗಲ್ ನೇತೃತ್ವದಲ್ಲಿ ಪುರಸಭೆ ಸಿಬ್ಬಂದಿ ಪಟ್ಟಣದ ಅನೇಕ ಕಡೆ ಭಾನುವಾರ ಸ್ವಚ್ಛತಾ ಶ್ರಮದಾನ ಮಾಡಿದರು.

ಇದನ್ನೂ ಓದಿ: ಕೋಲಾರ ಶ್ರಮದಾನ ಬಳಿಕ ಎಸ್​​. ಮುನಿಸ್ವಾಮಿ ರಿಯಾಕ್ಷನ್​

ಪೊರಕೆ ಹಿಡಿದ ಸಿಬ್ಬಂದಿಗಳು ಸರ್ಕಾರಿ ಆಸ್ಪತ್ರೆ, ಸಾರಿಗೆ ಬಸ್ ನಿಲ್ದಾಣ ಹಾಗೂ ಕಂದಾಯ ಭವನ ಸೇರಿ ಅನೇಕ ಸಾರ್ವಜನಿಕ ಸ್ಥಳಗಳಲ್ಲಿ ಕಸ ಗೂಡಿಸಿ ಶ್ರಮದಾನ ಮೂಲಕ ಸ್ವಚ್ಛತೆ ಮಾಡಿದರು.

ಸರ್ಕಾರಿ ಆಸ್ಪತ್ರೆಯ ವೈಧ್ಯರಾದ ವಿನೋದ ಕುಮಾರ, ಸಿಬ್ಬಂದಿಗಳಾದ ಮುಕ್ತುಮ್ ಸಾಬ, ಬಸವರಾಜ ಹಾಗೂ ಪುರಸಭೆ ಸಿಬ್ಬಂದಿಗಳಾದ ಮಹ್ಮದ ಜಿಲಾನಿ ಪಾಷಾ, ಮಾಳಿಂಗರಾಯ, ಆರೀಫ್ ಬೇಗಂ ಇದ್ದರು.