ಇನ್ಮುಂದೆ ಜಿಬಿಎ ತೆಕ್ಕೆಗೆ ಆನೇಕಲ್​

ಆನೇಕಲ್​ : ಆನೇಕಲ್​ ತಾಲೂಕು ಹಾಗೂ ಬೆಂಗಳೂರು ದಣ ವಿಧಾನಸಭಾ ಕ್ಷೇತ್ರದಲ್ಲಿ ವೀಣೆ ಮಾಡಿದ್ದೇನೆ. ಮುಂದೆ ಇದು ಬೆಂಗಳೂರು ಸಿಟಿ ವ್ಯಾಪ್ತಿಗೆ ಸೇರುತ್ತದೆ ಎಂದು ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್​ ಹೇಳಿದರು. ಬೆಂಗಳೂರು ದಣ ವಿಧಾನಸಭಾ ಕ್ಷೇತ್ರ ಹಾಗೂ ಆನೇಕಲ್​ ತಾಲೂಕಿನಲ್ಲಿ ಸಂಚಾರ ಮಾಡಿದ ಬಳಿಕ ಸುದ್ದಿಗಾರರ ಜತೆ ಮಾತನಾಡಿದ ಅವರು, ಶುಕ್ರವಾರ ಅಧಿಕಾರಿಗಳ ಜತೆ ಸಭೆ ಇದೆ. ಈ ಭಾಗದಲ್ಲಿ ಆಗಬೇಕಾದ ಅಭಿವೃದ್ಧಿ ಕೆಲಸಗಳು ಹಾಗೂ ಸಿಟಿ ವ್ಯಾಪ್ತಿಗೆ ಸೇರುವುದರಿಂದ ಏನೇನು ಮಾಡಬೇಕು, ಬೆಂಗಳೂರು ವ್ಯಾಪ್ತಿಗೆ ಸೇರಿದ ನಂತರ ಏನೇನು ಆಗಬೇಕು ಎನ್ನುವ ನಿಟ್ಟಿನಲ್ಲಿ ಚರ್ಚೆ ಆಗಬೇಕಿದೆ. ಈ ನಿಟ್ಟಿನಲ್ಲಿ ಆನೇಕಲ್​ ಶಾಸಕಬಿ.ಶಿವಣ್ಣ ಹಾಗೂ ಬೆಂಗಳೂರು ದಣ ವಿಧಾನಸಭಾ ಕ್ಷೇತ್ರದ ಶಾಸಕ ಕೃಷ್ಣಪ್ಪ ಅವರೊಂದಿಗೆ ಸಂಚಾರ ಮಾಡಿದ್ದು, ಅವರಿಂದಲೂ ಕೆಲವು ಮಾಹಿತಿ ಪಡೆದಿದ್ದೇನೆ ಎಂದರು.

ಬಯೋಕಾನ್​ ಮುಖ್ಯಸ್ಥೆ ಕಿರಣ್​ ಮಜೂಂದಾರ್​ ಷಾ ಅವರ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಡಿ.ಕೆ. ಶಿವಕುಮಾರ್​, ಬಯೋಕಾನ್​ ರಸ್ತೆ ಇಷ್ಟು ದಿನ ಸಿಟಿ ವ್ಯಾಪ್ತಿಯಲ್ಲಿ ಇರಲಿಲ್ಲ. ಇನ್ನು ಮುಂದೆ ಅದು ಬೆಂಗಳೂರು ವ್ಯಾಪ್ತಿಗೆ ಸೇರುವುದರಿಂದ ಆದಷ್ಟು ಬೇಗ ಅಭಿವೃದ್ಧಿ ಮಾಡುತ್ತೇವೆ ಎಂದರು. ಶಾಸಕ ಬಿ.ಶಿವಣ್ಣ, ಬಮುಲ್​ ಮಾಜಿ ಅಧ್ಯ ಆರ್​.ಕೆ. ರಮೇಶ್​, ಮುಖಂಡರಾದ ಹಳೆ ಚಂದಾಪುರ ಶ್ರೀಧರ್​, ಜಿಗಣಿ ಪುರಸಭೆ ಸದಸ್ಯ ಆನಂದ್​ ಗೌಡ, ಆನಂದ್​ ರೆಡ್ಡಿ, ಮಾಜಿ ರವಿ, ಹಾಪ್​ಕಾಮ್ಸ್​ ಬಾಬುರೆಡ್ಡಿ, ಗಟ್ಟಹಳ್ಳಿ ಸೀನಪ್ಪ, ಮುಖಂಡರಾದ ಇಂಜಿನಿಯರ್​ ಸಂಪಗಿರಾಜ್​,ಜಿಗಣಿ ಪುರಸಭೆ ಉಪಾಧ್ಯೆ ಸವಿತಾ ಮುರಳಿ, ಪುರಸಭೆ ಸದಸ್ಯರಾದ ಆನಂದ್​ ಗೌಡ, ಜಿಗಣಿ ವಿನೋದ್​,ಫ್ಯಾನ್ಸಿ ರಮೇಶ್​, ಹರೀಶ್​, ಶಿಲ್ಪಾ, ಮಧು, ಅಮೃತ ಮಂಜು, ಮಂಜುನಾಥ್​ ರೆಡ್ಡಿ, ಪಿ. ಕುಶಾಲ್​ ಇತರರು ಇದ್ದರು.

ಎಲ್ಲೆಲ್ಲಿ ರೌಂಡ್ಸ್​?: ಬೆಂಗಳೂರು ಉಸ್ತುವಾರಿ ಹಾಗೂ ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್​ ಬನ್ನೇರುಟ್ಟ ರಸ್ತೆಯ ಮಾರ್ಗವಾಗಿ ಜಿಗಣಿ ಹಾಗೂ ಆನೇಕಲ್​ ಮಾರ್ಗವಾಗಿ ರೌಂಡ್ಸ್​ ಹಾಕಿದರು. ಗುರುವಾರ ಸಂಜೆ ಬನ್ನೇರುಟ್ಟ ರಸ್ತೆಯ ಕೋಳಿ ಫಾಮ್​ರ್ ಬಳಿ ಅಧಿಕಾರಿಗಳ ಜತೆ ಹಾಗೂ ಬೆಂಗಳೂರು ದಣ ಕ್ಷೇತ್ರದ ಶಾಸಕ ಎಂ.ಕೃಷ್ಣಪ್ಪ ಅವರೊಂದಿಗೆಕಾರಿನಲ್ಲಿ ಹೊರಟ ಡಿಸಿಎಂ, ಜಿಗಣಿ ಕೈಗಾರಿಕಾ ಪ್ರದೇಶಕ್ಕೆ ಆಗಮಿಸಿದರು. ಆನೇಕಲ್​ ಶಾಸಕ ಬಿ. ಶಿವಣ್ಣ ಹಾಗೂ ಜಿಗಣಿ ಪುರಸಭೆ ವ್ಯಾಪ್ತಿಯ ಕಾಂಗ್ರೆಸ್​ ಮುಖಂಡರು ಹಾಗೂ ಕಾರ್ಯಕರ್ತರು ಜಿಗಣಿ ಎಪಿಸಿ ವೃತ್ತದ ಬಳಿ ಸ್ವಾಗತ ಕೋರಿದರು. ಬಳಿಕ ಒಂದೇ ಕಾರಿನಲ್ಲಿ ಡಿ.ಕೆ. ಶಿವಕುಮಾರ್​, ಶಾಸಕರಾದ ಎಂ. ಕೃಷ್ಣಪ್ಪ, ಬಿ. ಶಿವಣ್ಣ ಬೊಮ್ಮಸಂದ್ರ ಮಾರ್ಗವಾಗಿ ಚಂದಾಪುರ ಹಾಗೂ ಮುತ್ತಾನಲ್ಲೂರಿಗೆ ಪ್ರಯಾಣ ಬೆಳೆಸಿದರು. ಜಿಗಣಿಯಿಂದ ಬೊಮ್ಮಸಂದ್ರ ಕೈಗಾರಿಕಾ ಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುವ ಡಬಲ್​ ರೋಡ್​ ಸಂಪೂರ್ಣವಾಗಿ ಗುಂಡಿಗಳಿಂದ ಕೂಡಿತ್ತು. ಬನ್ನೇರುಟ್ಟ ರಸ್ತೆಯ ಮಾರ್ಗವಾಗಿ ಬೊಮ್ಮಸಂದ್ರಕ್ಕೆ ತೆರಳುವ ರಸ್ತೆ ಹಾಗೂ ಸುತ್ತಮುತ್ತಲ ಕೈಗಾರಿಕಾ ಪ್ರದೇಶಗಳ ಪರಿಶೀಲನೆ ನಡೆಸಿದರು. ಕೋಳಿ ಫಾಮ್​ರ್, ಬನ್ನೇರುಟ್ಟ ಹಾಗೂ ಜಿಗಣಿಯಲ್ಲಿ ಕಾರಿನಿಂದ ಇಳಿದು ಕೆಲವೇ ಕ್ಷಣ ಕಾಂಗ್ರೆಸ್​ ಮುಖಂಡರೊಂದಿಗೆ ಮಾತುಕತೆ ನಡೆಸಿದರು. ಬೊಮ್ಮಸಂದ್ರ ದಿಂದ ಚಂದಾಪುರ ಮಾರ್ಗವಾಗಿ ಮುತ್ತಾನಲ್ಲೂರಿನ ಬಳಿಯ ಖಾಸಗಿ ಬಡಾವಣೆಯಲ್ಲಿರುವ ಶಿವಣ್ಣ ನಿವಾಸಕ್ಕೆ ತೆರಳಿದ ಡಿ.ಕೆ.ಶಿ, ಅಲ್ಲಿಂದ ವಾಪಸ್​ ತೆರಳಿದರು.

ರಸ್ತೆ ಅಭಿವೃದ್ಧಿಗೆ ಹಣ ಬಿಡುಗಡೆ ಮನವಿ : ಬೆಂಗಳೂರು ದಣ ವಿಧಾನಸಭಾ ಕ್ಷೇತ್ರದ ಬನ್ನೇರುಟ್ಟ, ಮಂಟಪ, ಜಿಗಣಿ ಕೈಗಾರಿಕಾ ಪ್ರದೇಶ, ಹಾರಗದ್ದೆ, ಕೋನಪ್ಪನ ಅಗ್ರಹಾರ, ಹುಲಿಮಂಗಲ, ದೊಡ್ಡ ತೋಗೂರು ವ್ಯಾಪ್ತಿಯನ್ನು ಬೆಂಗಳೂರು ನಗರಕ್ಕೆ ಸೇರಿಸಲು ಮನವಿ ಮಾಡಲಾಗಿದೆ.ಜಿಗಣಿಯಿಂದ ಬೊಮ್ಮಸಂದ್ರ ಕೈಗಾರಿಕಾ ಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುವ ಡಬಲ್​ ರೋಡ್​ ಹಾಳಾಗಿರುವುದು ಸೇರಿ ರಸ್ತೆ ಅಭಿವೃದ್ಧಿಗೆ ಹಣ ಬಿಡುಗಡೆ ಮಾಡುವಂತೆ ಡಿಸಿಎಂ ಮನವಿ ಮಾಡಿದ್ದೇನೆ ಎಂದು ಬೆಂಗಳೂರು ದಣ ಶಾಸಕ ಎಂ. ಕೃಷ್ಣಪ್ಪ "ವಿಜಯವಾಣಿ'ಗೆ ತಿಳಿಸಿದ್ದಾರೆ.

ಡಿಸಿಎಂಗೆ ಹೊಂಡಗಳಬಿಸಿ : ಜಿಗಣಿಯಿಂದ ಬೊಮ್ಮಸಂದ್ರ ಕೈಗಾರಿಕಾ ಪ್ರದೇಶದ ರಸ್ತೆ ಹಾಗೂ ಚಂದಾಪುರದಿಂದ ಮುತ್ತಾನಲ್ಲೂರಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳು ಸಂಪೂರ್ಣವಾಗಿ ಹೊಂಡ ಗುಂಡಿಗಳೇ ಸೃಷ್ಟಿಯಾಗಿದ್ದು, ಡಿ.ಕೆ. ಶಿವಕುಮಾರ್​ ಇದೇ ರಸ್ತೆಯಲ್ಲಿ ಪ್ರಯಾಣ ಬೆಳೆಸಬೇಕಾಯಿತು. ಈ ವೇಳೆ ಉಪಮುಖ್ಯಮಂತ್ರಿ ಅವರಿಗೆ ಹೊಂಡ &ಗುಂಡಿಗಳ ದರ್ಶನವಾಯಿತು.