2017ರಲ್ಲಿ ವೈಯಕ್ತಿಕವಾಗಿ 108 ಅಂಗವಿಕಲರಿಗೆ ಒಂದೇ ಬಾರಿಗೆ ತ್ರಿಚಕ್ರ ವಾಹನ ವಿತರಣೆಯು ಖುಷಿ ತಂದಿದೆ. ಹಾಗೆಯೇ ಮುಂಬರುವ ದಿನಗಳಲ್ಲೂ ಅಂಗವಿಕಲರ ಹಿತ ಕಾಪಾಡಲಿದ್ದು, ತ್ವರಿತವಾಗಿ ಆರೋಗ್ಯ ಶಿಬಿರ ಕೈಗೊಳ್ಳಲಾಗುವುದು. ಅಗತ್ಯವಿದ್ದಲ್ಲಿ ಪ್ರತಿಷ್ಠಿತ ಆಸ್ಪತ್ರೆಗಳಲ್ಲಿ ಹೆಚ್ಚಿನ ಚಿಕಿತ್ಸೆ ಕೊಡಿಸಲಾಗುವುದು ಎಂದು ಭರವಸೆ ನೀಡಿದರು.
2020ರ ಟೋಕಿಯೋ ಪ್ಯಾರಾ ಒಲಿಂಪಿಕ್ಸ್ನಲ್ಲಿ ದೇಶದ ಅಂಗವಿಕಲರು 19 ಪದಕ ಪಡೆಯುವ ಮೂಲಕ ಮೆಚ್ಚುಗೆಗೆ ಪಾತ್ರವಾದರು. ಅಷ್ಟಾವಕ್ರ ಎಂಬ ಮಹಾನ್ ಋಷಿಯು ಎಂಟು ದೈಹಿಕ ನ್ಯೂನತೆಗಳನ್ನು ಹೊಂದಿದ್ದರೂ ಪೂಜನೀಯರಾಗಿದ್ದರು. ಇನ್ನು ಎಲ್ಲ ಕ್ಷೇತ್ರಗಳಲ್ಲಿಯೂ ಅಂಗವಿಕಲರು ಪ್ರತಿಭೆ ಪ್ರದರ್ಶಿಸುತ್ತಿದ್ದಾರೆ. ಹಾಗೆಯೇ ಈಗಲೂ ಬೆಳಕಿಗೆ ಬಾರದವರೂ ಸಹ ಆತ್ಮವಿಶ್ವಾಸದಲ್ಲಿ ವಿಶಿಷ್ಟ ಸಾಧನೆ ತೋರಬೇಕು ಎಂದರು.
ಕರ್ನಾಟಕ ವಿಕಲಚೇತನರ ಸಂಘಟನೆ ಅಧ್ಯಕ್ಷ ಕೆ.ವಿ.ಸುಬ್ರಮಣ್ಯಂ ಮಾತನಾಡಿ, ಸಂಘಟನೆಯು ಅಂಗವಿಕಲರ ಕಲ್ಯಾಣಕ್ಕಾಗಿ ಹಲವು ವರ್ಷಗಳಿಂದಲೂ ವಿವಿಧ ಸಾಮಾಜಿಕ ಸೇವಾ ಕಾರ್ಯಕ್ರಮಗಳನ್ನು ಕೈಗೊಳ್ಳುತ್ತಿದೆ ಎಂದರು. ಕಾರ್ಯಕ್ರಮದಲ್ಲಿ ಎಸ್ಪಿ ಡಿ.ಎಲ್.ನಾಗೇಶ್, ಕರ್ನಾಟಕ ವಿಕಲಚೇತನರ ಸಂಘಟನೆ ಉಪಾಧ್ಯಕ್ಷ ಜಿ.ವಿ.ವೆಂಕಟಶಿವಪ್ಪ, ಕಾರ್ಯದರ್ಶಿ ಬಿ.ಕಿರಣ್ ನಾಯಕ್, ಖಜಾಂಚಿ ಸೌಭಾಗ್ಯಮ್ಮ, ಸಂಚಾಲಕಿ ಕೆ.ಸಿ.ಮಮತಾ, ಮುಖಂಡರಾದ ಆರ್.ಚಂದ್ರಶೇಖರ್, ಎಂ.ಮುನಿರಾಜು, ಕೆ.ವಿ.ಸುಶೀಲಮ್ಮ, ಎಚ್.ಎಸ್.ಕೃಷ್ಣಪ್ಪ, ಎಸ್.ಮಂಜುನಾಥ್, ಆದಿನಾರಾಯಣಪ್ಪ, ವೆಂಕಟರಮಣಪ್ಪ, ನರಸಿಂಹಮೂರ್ತಿ, ಬಾಬಾಜಾನ್ ಮತ್ತಿತರರು ಇದ್ದರು.
