ಆರೋಗ್ಯ ತಪಾಸಣಾ ಶಿಬಿರ

ಕೊಪ್ಪಳ: ನಗರದ ಗವಿಮಠ ರಸ್ತೆಯಲ್ಲಿನ ವಿಘ್ನೇಶ್ವರ ಯುವಕ ಮಿತ್ರ ಮಂಡಳಿ ಹಾಗೂ ಗವಿಸಿದ್ದೇಶ್ವರ ಆಯುರ್ವೇದ ಮಹಾವಿದ್ಯಾಲಯ, ರೆಡ್​ಕ್ರಾಸ್​ ಸಹಯೋಗದಲ್ಲಿ ಸೋಮವಾರ ಆರೋಗ್ಯ ಉಚಿತ ತಪಾಸಣೆ ಮತ್ತು ಚಿಕಿತ್ಸಾ ಶಿಬಿರ ನಡೆಸಲಾಯಿತು.

ನಗರಸಭೆ ಅಧ್ಯಕ್ಷ ಅಮ್ಜದ್​ ಪಟೇಲ್​ ಶಿಬಿರಕ್ಕೆ ಚಾಲನೆ ನೀಡಿ ಮಾತನಾಡಿ, ಶ್ರೀಗಳ ಆಶೀರ್ವಾದದಿಂದ ಕೊಪ್ಪಳ ಜನತೆಗೆ ಆರೋಗ್ಯ ಸೇವೆ ಸಿಗುತ್ತಿದೆ. ಇದು ನಮ್ಮೆಲ್ಲರ ಸೌಭಾಗ್ಯ ಎಂದರು.

ಸ್ಥಾಯಿ ಸಮಿತಿ ಅಧ್ಯಕ್ಷ ಅಕ್ಬರ್​ ಪಾಷಾ ಪಲ್ಟನ್​ ಮಾತನಾಡಿ, ಆಯುರ್ವೇದ ಪುರಾತನ ಕಾಲದಿಂದಲೂ ತನ್ನ ಬೇರು ಉಳಿಸಿಕೊಂಡು ಬಂದಿದೆ. ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಅವಶ್ಯ ಎಂದರು. ಡಾ.ಮಂಜುನಾಥ ಸಜ್ಜನ ಆಯುರ್ವೇದ ಮಹತ್ವ ಕುರಿತು ತಿಳಿಸಿದರು. ವೈದ್ಯರಾದ ಡಾ.ಗವಿ ಪಾಟೀಲ್​, ಡಾ.ಪ್ರಭು ನಾಗಲಾಪುರ, ಡಾ.ಲೋಹಿತ ಕಲಾಲ ತಪಾಸಣೆ ನಡೆಸಿ ಚಿಕಿತ್ಸೆ ನೀಡಿದರು. 130ಕ್ಕೂ ಹೆಚ್ಚು ಜನರು ಆರೋಗ್ಯ ಪರೀಸಿಕೊಂಡರು.

ನಗರಸಭೆ ಸದಸ್ಯರಾದ ಗುರುರಾಜ ಹಲಗೇರಿ, ಮಲ್ಲಪ್ಪ ಕವಲೂರು, ಪ್ರಮುಖರಾದ ಶಂಕರಗೌಡ ಹಿರೇಗೌಡರ್​, ಶಿವರೆಡ್ಡಿ ಭೂಮಕ್ಕನವರ, ಶಿವಣ್ಣ ಪಾವಲಿ ಶೆಟ್ಟರ್​, ಶರಣಪ್ಪ ಸಜ್ಜನ್​, ಚಂದ್ರಪ್ಪ ಕವಲೂರು, ಆನಂದ ಹಿರೇಮಠ ಇತರರಿದ್ದರು.