ಉಚಿತ ಕೃತಕ ಕೈ, ಕಾಲು ಮಾಪನ ಶಿಬಿರ

ಹುಬ್ಬಳ್ಳಿ : ಅಪಘಾತ ಮತ್ತು ಇತರ ಕಾರಣಗಳಿಂದ ಕೈ, ಕಾಲು ಕಳೆದುಕೊಂಡವರಿಗೆ ಉಚಿತ ಕೃತಕ ಕೈ-ಕಾಲು ಮಾಪನ (ಅಳತೆ) ಶಿಬಿರವನ್ನು ಹುಬ್ಬಳ್ಳಿಯ ಮಜೇಥಿಯಾ ಫೌಂಡೇಶನ್ ವತಿಯಿಂದ ಆ. 10ರಂದು ಬೆಳಗ್ಗೆ 10 ರಿಂದ ಮಧ್ಯಾಹ್ನ 2 ಗಂಟೆಗೆ ಮೂರುಸಾವಿರ ಮಠದ ಮೈದಾನದಲ್ಲಿ ಹಮ್ಮಿಕೊಳ್ಳಲಾಗಿದೆ.

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಫೌಂಡೇಶನ್​ನ ಟ್ರಸ್ಟಿ ರಮೇಶ ಬಾಬು, ಕಳೆದ 17 ವರ್ಷದಿಂದ ಕೃತಕ ಕೈ, ಕಾಲು ಜೋಡಣೆ ಶಿಬಿರ ಆಯೋಜಿಸಲಾಗುತ್ತಿದೆ. ಆಂದ್ರಪ್ರದೇಶ, ಕೇರಳ, ತಮಿಳುನಾಡ, ಮಹರಾಷ್ಟ್ರ ಸೇರಿದಂತೆ ಕರ್ನಾಟಕದ 1,700 ಕ್ಕೂ ಹೆಚ್ಚು ಫಲಾನುಭವಿಗಳು ಸದುಪಯೋಗ ಪಡೆದುಕೊಂಡಿದ್ದಾರೆ ಎಂದು ತಿಳಿಸಿದರು.

ನುರಿತ ತಜ್ಞರಿಂದ ಈ ಶಿಬಿರ ನಡೆಸಲಾಗುತ್ತಿದೆ. 200 ಜನರ ಕೃತಕ ಕೈ, ಕಾಲು ಅಳತೆಯನ್ನು ಪಡೆಯಲಾಗುತ್ತಿದೆ ಎಂದರು.

ಫೌಂಡೇಶನ್ ಸಿಇಒ ಸುನೀಲ ಕುಂಕೂನರ, ಡಾ. ಶಂಕರ ಕಾಮಟೆ, ಟ್ರಸ್ಟಿ ಅಮರೇಶ ಹಿಪ್ಪರಗಿ, ಅಮೃತಬಾಯಿ ಪಟೇಲ, ದಯಾಬಾಯಿ ಪಟೇಲ, ನವೀನ ಮಾಳಿನ ಸುದ್ದಿಗೋಷ್ಠಿಯಲ್ಲಿ ಇದ್ದರು