ಸಹಕಾರ ಸಂಘಕ್ಕೆ ಹಣ ನೀಡುವ ನೆಪದಲ್ಲಿ 68 ಲಕ್ಷ ರೂ. ವಂಚನೆ

ಹಾವೇರಿ: ಗ್ರಾಮೀಣ ಸಹಕಾರ ಸಂಘದ ಹೆಸರಿನಲ್ಲಿ ಹಣ ತೆಗೆದುಕೊಂಡು ಸಂಘಕ್ಕೆ ಕೊಡದೆ ವಂಚಿಸಿರುವ ಬ್ಯಾಂಕ್​ ವ್ಯವಸ್ಥಾಪಕನ ವಿರುದ್ಧ ಇಲ್ಲಿಯ ಶಹರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನಗರದ ಖಾಸಗಿ ಬ್ಯಾಂಕ್​ನ ವ್ಯವಸ್ಥಾಪಕ ಹಾಗೂ ಸವಣೂರ ತಾಲೂಲಿನ ಹೊಂಡದಕಟ್ಟಿ ಗ್ರಾಮದ ರಾಜಶೇಖರ ಶಿವಾನಂದ ಹೊಂಡದಕಟ್ಟಿ ಎಂಬುವನ ವಿರುದ್ಧ ಪ್ರಕರಣ ದಾಖಲಾಗಿರುವುದು.

ಈತ ಖಾಸಗಿ ಬ್ಯಾಂಕ್​ನ ವ್ಯವಸ್ಥಾಪಕನಾಗಿ ಕೆಲಸ ಮಾಡುತ್ತಿದ್ದ ಸಮಯದಲ್ಲಿ ಸವಣೂರಿನ ಸಹಕಾರ ಸಂಘದ ಹೆಸರಿನಲ್ಲಿ 68 ಲಕ್ಷ ರೂ. ಹಣ ಡ್ರಾ ಮಾಡಿಕೊಂಡು ಅವರ ಸಂಘಕ್ಕೆ ಕೊಡದೆ ವಂಚಿಸಿದ್ದಾನೆ ಎನ್ನಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.