ವಸ್ತುಗಳನ್ನು ಕೊಡುವ ನೆಪದಲ್ಲಿ 1.19 ಲಕ್ಷ ರೂ. ವಂಚನೆ

ಹಾವೇರಿ: ಇನ್​ಸ್ಟಾಗ್ರಾಮ್​ ಐಡಿಯಲ್ಲಿ ಚಿನ್ನಾಭರಣ, ಬಟ್ಟೆ, 2 ಲಕ್ಷ ರೂ. ನಗದು ಹಾಗೂ ಐಫೋನ್​ ಎಲ್ಲವೂ ಕೊಡುತ್ತೇವೆ ಎಂದು ಹಾಕಿದ್ದ ಜಾಹೀರಾತುದಾರನ ಮಾತು ನಂಬಿ ಮಹಿಳೆಯೊಬ್ಬರು 1.19 ಲಕ್ಷ ರೂ. ಹಾಕಿ ಮೋಸ ಹೋಗಿರುವ ಕುರಿತು ಇಲ್ಲಿಯ ಸೈಬರ್​ ಕ್ರೆೈಂ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನಗರದ ಮಣಿಗಾರ ಓಣಿ ನಿವಾಸಿ ಸಾಹೇದಾಬಾನು ಬಡಿಗೇರ (29) ಎಂಬುವರಿಗೆ ಮೋಸ ಮಾಡಿರುವುದು.

ಇವರು ಇನ್​ಸ್ಟಾಗ್ರಾಮ್​ ನೋಡುತ್ತಿದ್ದಾಗ ಅದರಲ್ಲಿ ಒಬ್ಬ ವ್ಯಕ್ತಿಯ ಐಡಿಯಲ್ಲಿ ಚಿನ್ನಾಭರಣ, ಬಟ್ಟೆ, 2 ಲಕ್ಷ ರೂ. ನಗದು ಹಾಗೂ ಐಫೋನ್​ ಎಲ್ಲವೂ ಕೊಡುತ್ತೇವೆ ಎಂದು ಹಾಕಿದ್ದ ಜಾಹೀರಾತನ್ನು ಕ್ಲಿಕ್ಕಿಸಿದ್ದಾರೆ. ಆಗ ಆತ ಫೋನ್​ ಮಾಡಿ ಇದರಲ್ಲಿರುವ ಎಲ್ಲ ವಸ್ತುಗಳು ಪ್ಯಾಕ್​ ಮಾಡಲಾಗಿದ್ದು ನಿಮಗೆ ಕಳುಹಿಸಿಕೊಡಲು 1.19 ಲಕ್ಷ ರೂ. ಬೇಕು ಎಂದು ಹಣ ಹಾಕಿಸಿಕೊಂಡಿದ್ದಾನೆ. ನಂತರ ವಸ್ತುಗಳನ್ನು ಕೊಡದೆ ಮೋಸ ಮಾಡಿದ್ದಾನೆ ಎನ್ನಲಾಗಿದೆ. ಈ ಕುರಿತು ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.