ಕೋಮುಲ್​ಗೆ ನಾಲ್ವರು ನಾಮಪತ್ರ ಸಲ್ಲಿಕೆ

ಕೋಲಾರ: ಜಿಲ್ಲಾ ಹಾಲು ಉತ್ಪಾದಕರ ಸಹಕಾರ ಸಂಘಗಳ ಒಕ್ಕೂಟದ ಆಡಳಿತ ಮಂಡಳಿಯ 13 ನಿರ್ದೇಶಕರ ಸ್ಥಾನದ ಚುನಾವಣೆಗೆ ಭಾನುವಾರ ಕಾಂಗ್ರೆಸ್​ ಬೆಂಬಲಿತ ನಾಲ್ವರು ನಾಮಪತ್ರ ಸಲ್ಲಿಸಿದರು.

ಜೂ.25ಕ್ಕೆ ಚುನಾವಣೆ ನಿಗದಿಯಾಗಿದ್ದು, ಕೋಲಾರ ಈಶಾನ್ಯ ಕ್ಷೇತ್ರದಿಂದ ಸೀಸಂದ್ರ ಗೋಪಾಲಗೌಡ, ಮಾಲೂರು ಟೇಕಲ್​ ಕ್ಷೇತ್ರದಿಂದ ಶಾಸಕ ಕೆ.ವೈ. ನಂಜೇಗೌಡ, ಮಾಲೂರು ಕಸಬಾದಿಂದ ಎಂ.ಎನ್​ ಶ್ರೀನಿವಾಸ್​, ಕೋಲಾರ ಮಹಿಳಾ ಮೀಸಲು ದಕ್ಷಿಣ ಕ್ಷೇತ್ರದಿಂದ ಆರ್​.ಕಾಂತಮ್ಮ ಉಮೇದುವಾರಿಕೆ ಸಲ್ಲಿಸಿದರು.

ಶಾಸಕರ ಸಾಥ್​

ಕೋಮುಲ್​ ಚುನಾವಣೆಗೆ ಅಭ್ಯರ್ಥಿಗಳು ತಮ್ಮ ಬೆಂಬಲಿಗರೊಂದಿಗೆ ಬಂದು ಚುನಾವಣಾಧಿಕಾರಿಗೆ ನಾಮಪತ್ರ ಸಲ್ಲಿಸಿದರು. ಅಭ್ಯರ್ಥಿಗಳ ಪರ ಶಾಸಕ ಕೊತ್ತೂರು ಜಿ.ಮಂಜುನಾಥ್​, ಎಂಎಲ್ಸಿ ಎಂ.ಎಲ್​. ಅನಿಲ್​ಕುಮಾರ್​, ಕೋಚಿಮುಲ್​ ಮಾಜಿ ಅಧ್ಯಕ್ಷ ಎನ್​.ಜಿ.ಬ್ಯಾಟಪ್ಪ ಸೇರಿ ಕಾಂಗ್ರೆಸ್​ ಮುಖಂಡರು ಕಾರ್ಯಕರ್ತರು ಸಾಥ್​ ನೀಡಿದರು.