ಜಿಲ್ಲೆಯನ್ನು ದಶಕಗಳ ಹಿಂದೆ ಪ್ರತಿನಿಧಿಸಿದ ಜನಪ್ರತಿನಿಧಿಗಳು ಅವರ ಸರಳತೆ, ಪ್ರಾಮಾಣಿಕತೆ, ಅಭಿವೃದ್ಧಿ ಪರ ಚಿಂತನೆಗಳಿಂದಾಗಿ ನನಗೆ ದೇವರಂತೆ ಕಾಣುತ್ತಾರೆ. ಇಂದಿನ ರಾಜಕಾರಣಿಗಳ ಬಗ್ಗೆ ಹೇಳುವುದಾದರೆ ನಾಟ್ ಸೋ ಬ್ಯಾಡ್. ಕೆಲವೆಡೆ ಒಬ್ಬ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ಕೂಡ ದರ್ಪದಿಂದ ಓಡಾಡುತ್ತಾರೆ. ಅಧಿಕಾರಿಗಳನ್ನು ಹೆದರಿಸುವ ಪ್ರಯತ್ನ ಮಾಡುತ್ತಾರೆ. ಇದನ್ನು ಯಾವುದೇ ಮುಜುಗರ, ಭಯ, ಅಂಜಿಕೆ, ಸಂಕೋಚವಿಲ್ಲದೆ ಧೈರ್ಯವಾಗಿ ಹೇಳುತ್ತೇನೆ ಎಂದ ಅವರು, ಇಂದಿನ ಕೆಲವು ರಾಜಕಾರಣಿಗಳ ನೋಡಿದರೆ ಅವರು ನಾಗಾಲೋಟದಲ್ಲಿ ಓಡುತ್ತಿದ್ದಾರೆ ಅನಿಸುತ್ತಿದೆ. ಇದರಿಂದ ಜನರ ಕೈಗೆ ನಿಲುಕದಷ್ಟು ದೂರ ನಿಂತಿದ್ದಾರೆ. ಹಿಂದಿನ ರಾಜಕಾರಣಿಗಳಿಗೂ ಈಗಿನ ರಾಜಕಾರಣಿಗಳಿಗೂ ಸಾಕಷ್ಟು ವ್ಯತ್ಯಾಸವಿದೆ ಎಂದರು.
