ಶೀಘ್ರ ಹೊರ ರಾಜ್ಯದಲ್ಲಿ ಶಾಖೆ: ಮುಂಬರುವ ದಿನಗಳಲ್ಲಿ ಕರ್ನಾಟಕ, ಮಹಾರಾಷ್ಟ್ರ ಹಾಗೂ ಗೋವಾ ರಾಜ್ಯದಲ್ಲಿ ಶಾಖೆ ತೆರೆಯುವ ಮುಖಾಂತರ ಅಲ್ಲಿನ ಜನರಿಗೆ ಸಹಕಾರಿ ಸೇವೆ ನೀಡಲು ಕಾರ್ಯಯೋಜನೆ ರೂಪಿಸಿದೆ. ಅಥಣಿ ತಾಲೂಕಿನ ತೆಲಸಂಗ, ಸತ್ತಿ, ಮಂಗಸೂಳಿ, ಚಿಕ್ಕೋಡಿ ತಾಲೂಕಿನ ನವನ್ಯಾಳ ಕ್ರಾಸ್ ಅಥವಾ ಶಿರಗಾಂವ, ಗಿರಿಗಾಂವ, ನಿಪ್ಪಾಣಿ ತಾಲೂಕಿನ ಮಾಂಗೂರ, ರಾಯಬಾಗ ತಾಲೂಕಿನ ಮುಗಳಖೋಡ, ಗೋಕಾಕ ತಾಲೂಕಿನ ಘಟಪ್ರಭಾ, ಅಂಕಲಗಿ, ಹುಕ್ಕೇರಿ ತಾಲೂಕಿನ ಯಾದಗೂಡ, ಪಾಶ್ಚಾಪುರ, ಸವದತ್ತಿ ತಾಲೂಕಿನ ಮುನ್ನೋಳಿ, ಯರಗಟ್ಟಿ, ಬೆಳವಡಿ, ಉತ್ತರ ಕನ್ನಡ ಜಿಲ್ಲೆಯ ದಾಂಡೇಲಿ, ಗೋಕರ್ಣ ಯಲ್ಲಾಪುರ, ಅಂಕೋಲಾ ಹಾಗೂ ಚಿತ್ರದುರ್ಗ, ತುಮಕೂರ, ಮೈಸೂರ, ದಕ್ಷಿಣ ಕನ್ನಡ ಜಿಲ್ಲೆ ಮಂಗಳೂರು ಹಾಗೂ ಉಡುಪಿ ಜಿಲ್ಲೆಗಳಲ್ಲೂ ಶಾಖೆಗಳನ್ನು ಪ್ರಾರಂಭಿಸಲಾಗುವುದು. ಸೊಸೈಟಿ ಬೆಳವಣಿಗೆ ಮತ್ತು ಜನಪರ ಸೇವೆ ನೀಡುವಲ್ಲಿ ಸಂಸ್ಥಾಪಕ ಡಾ.ಪ್ರಭಾಕರ ಕೋರೆ ಅವರ ಮಾರ್ಗದರ್ಶನ, ಸಲಹೆ, ಸೂಚನೆಗಳು ಮಹತ್ವದ ಪಾತ್ರ ವಹಿಸುತ್ತ ಬಂದಿವೆ ಎಂದರು.
