ಸರ್ಕಾರವೇ ಜಿಲ್ಲೆಯ 13 ತಾಲೂಕುಗಳಲ್ಲಷ್ಟೇ ಸಮೀಕ್ಷೆ ನಡೆಸಿ ವರದಿಸಲ್ಲಿಸುವಂತೆ ಸೂಚಿಸಿತ್ತು. ಅದರಂತೆ ಆಯಾ ತಾಲೂಕಿನಲ್ಲಿನ ಎರಡು ಪ್ರಮುಖ ಬೆಳೆಗಳ ಸ್ಥಿತಿಗತಿ ಬಗ್ಗೆ ಅಲ್ಲಿನ ಐದು ವಿಭಿನ್ನ ಪ್ರದೇಶಗಳಲ್ಲಿ ಸಮೀಕ್ಷೆ ಮಾಡಿದ್ದೇವೆ. ಬಹುತೇಕ ತಾಲೂಕುಗಳಲ್ಲಿ ಮಳೆ ಕೊರತೆಯಿಂದ ಬೆಳೆಗಳ ಬೆಳವಣಿಗೆಯೂ ಕುಂಠಿತವಾಗಿದೆ. ಬೈಲಹೊಂಗಲ, ಕಿತ್ತೂರು, ಸವದತ್ತಿ ಹಾಗೂ ರಾಮದುರ್ಗ ತಾಲೂಕುಗಳಲ್ಲಿ 45 ಕಾಯಿಗಳನ್ನು ಬಿಡಬೇಕಿದ್ದ ಸೋಯಾಬೀನ್ ಬೆಳೆ 15-20 ಕಾಯಿ ಬಿಟ್ಟಿರುವುದು ಕಂಡು ಬಂದಿದೆ. ಅಲ್ಲದೆ, ಅಥಣಿ, ಮೂಡಲಗಿ, ಗೋಕಾಕ, ಯರಗಟ್ಟಿ, ಚಿಕ್ಕೋಡಿ, ಕಾಗವಾಡ, ನಿಪ್ಪಾಣಿ, ರಾಯಬಾಗ ಹಾಗೂ ಹುಕ್ಕೇರಿ ತಾಲೂಕುಗಳಲ್ಲಿ ಸೋಯಾಬೀನ್, ಹೆಸರು ಹಾಗೂ ಉದ್ದು ಸೇರಿದಂತೆ 40-50 ಕಾಯಿಕಟ್ಟಬೇಕಿದ್ದ ಬೆಳೆಗಳು ಕೇವಲ 20-25 ಕಟ್ಟಿವೆ. ಅಲ್ಲಲ್ಲಿ ಭತ್ತದ ಬೆಳೆಯೂ ಕುಂಠಿತವಾಗಿ ಇಳುವರಿಯೂ ಅರ್ಧಕ್ಕಿಂತ ಹೆಚ್ಚು ಕುಸಿದಿದೆ. ಅಲ್ಲದೆ, ಅಂತರ್ಜಲ ಮಟ್ಟ ಹಾಗೂ ತೇವಾಂಶದ ಕೊರತೆಯೂ ಕಂಡು ಬಂದಿದೆ. ಹೀಗಾಗಿ ಅವುಗಳನ್ನು ಬರಪೀಡಿತ ತಾಲೂಕುಗಳನ್ನಾಗಿ ಪರಿಗಣಿಸಲಾಗಿದೆ ಎಂದು ಸಮೀಕ್ಷೆ ನಡೆಸಿದ ಅಕಾರಿಯೊಬ್ಬರು ಮಾಹಿತಿ ನೀಡಿದರು.
