ಜಾನುವಾರುಗಳಿಗೆ ಸಿಕ್ತು ಮೇವು

ಹಾರೂಗೇರಿ ಕ್ರಾಸ್: ಸಮೀಪದ ಖೇಮಲಾಪುರ, ಸಿದ್ಧಾಪುರ, ಶಿರಗೂರ ಗ್ರಾಮಗಳ ನೆರೆ ಸಂತ್ರಸ್ತರು ತಮ್ಮ ಜಾನುವಾರುಗಳನ್ನು ತಾತ್ಕಾಲಿಕ ಜಾನುವಾರು ಶಿಬಿರಕ್ಕೆ ಸ್ಥಳಾಂತರಿಸಿದ್ದರು. ಆದರೆ, ಸ್ಥಳಾಂತರಗೊಂಡ ದಿನದಿಂದ ಸಂಬಂಧಿಸಿದವರು ದನಕರುಗಳಿಗೆ ಮೇವು ನೀಡಿರಲಿಲ್ಲ.

ಈ ಕುರಿತು ಆ.3ರಂದು ಕನ್ನಡದ ನಂ.1 ದಿನಪತ್ರಿಕೆ ವಿಜಯವಾಣಿ ‘ಜಾನುವಾರು ಸ್ಥಿತಿ ಅಯೋಮಯ’! ಎಂಬ ಶೀರ್ಷಿಕೆಯಡಿ ವರದಿ ಪ್ರಕಟಿಸಿ ಗಮನ ಸೆಳೆದಿತ್ತು.

ವರದಿಯಿಂದ ಎಚ್ಚೆತ್ತುಕೊಂಡ ಅಧಿಕಾರಿಗಳು ದೌಡಾಯಿಸಿ 2 ಟ್ರಾೃಕ್ಟರ್ ಮೇವು ತಂದು ವಿತರಿಸಿದ್ದಾರೆ. ವಿಜಯವಾಣಿ ಕಾರ್ಯಕ್ಕೆ ನೆರೆ ಸಂತ್ರಸ್ತರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನೋಡಲ್ ಅಧಿಕಾರಿ ಭಾರತಿ ಕಾಂಬಳೆ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಎಸ್.ಆರ್.ಪಾಟೀಲ, ಗ್ರಾಪಂ ಅಧ್ಯಕ್ಷ ಮಲ್ಲಪ್ಪ ಮಿರ್ಜಿ, ಉಪಾಧ್ಯಕ್ಷ ಪುಟ್ಟಮ್ಮ ಗಸ್ತಿ ಇತರರು ಮೇವು ವಿತರಿಸಿದರು.