ಸಮೃದ್ಧ ಮಳೆ-ಬೆಳೆಗಾಗಿ ದುರ್ಗಾದೇವಿಗೆ ಉಡಿ

ಮಸ್ಕಿ: ಸಮೃದ್ಧ ಮಳೆ, ಬೆಳೆಗಾಗಿ ಪಟ್ಟಣದ ಮಲ್ಲಿಕಾರ್ಜುನ ದೇವರ ತೇರಿನ ಮುಂಭಾಗದಲ್ಲಿರುವ ದುರ್ಗಾದೇವಿಗೆ ಮುತ್ತೈದೆಯರು ಉಡಿ ತುಂಬುವ ಮೂಲಕ ಪ್ರಾರ್ಥನೆ ಸಲ್ಲಿಸಿದರು.

ಪ್ರತಿವರ್ಷ ಮುಂಗಾರು ಮಳೆ ಆರಂಭವಾಗುವ ಸಮಯದಲ್ಲಿ ದೇವಿಗೆ ಉಡಿತುಂಬುವ ಸಂಪ್ರದಾಯವಿದೆ. ಇಲ್ಲಿನೀಭ್ರಮರಾಂಬ ದೇವಿ ಮತ್ತು ಕಟ್ಟೆ ದುರ್ಗಮ್ಮ ದೇವಿ ದೇವಸ್ಥಾನಕ್ಕೆ ಭಕ್ತರು ತೆರಳಿ ಉಡಿ ತುಂಬುವ ಕಾರ್ಯ ನಡೆಸಿದರು.

ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದ ಅರ್ಚಕರಾದ ಪಂಪಾಪತಿ ಹೆಸರೂರು, ಸಿದ್ದಯ್ಯ ಹೆಸರೂರು, ವಿಶ್ವನಾಥ ಸೊಪ್ಪಿಮಠ, ದೊಡ್ಡಬಸವ ಹೆಸರೂರು, ಶೇಖರಯ್ಯ ಸೊಪ್ಪಿಮಠ ಹಾಗೂ ರೈತರು, ಮಹಿಳೆಯರು ಇದ್ದರು. ರಾತ್ರಿಯಿಡೀ ಭಜನೆ ಮಾಡಲಾಯಿತು.