ಅಕ್ರಮವಾಗಿ ರಿಫಿಲಿಂಗ್​ ಮಾಡುತ್ತಿದ್ದ ಅಡ್ಡೆಗಳ ಮೇಲೆ ಆಹಾರ ಇಲಾಖೆ ಅಧಿಕಾರಿಗಳು ಸೋಮವಾರ ದಾಳಿ ನಡೆಸಿ ನಾಲ್ಕು ಗೃಹ ಬಳಕೆ ಸಿಲಿಂಡರ್​ ಹಾಗೂ ತೂಕದ ಯಂತ್ರ ವಶಪಡಿಸಿಕೊಂಡಿದ್ದಾರೆ

ವಿಜಯಪುರ: ಗೃಹ ಬಳಕೆ ಸಿಲಿಂಡರ್​ ಅಕ್ರಮವಾಗಿ ರಿಫಿಲಿಂಗ್​ ಮಾಡುತ್ತಿದ್ದ ಅಡ್ಡೆಗಳ ಮೇಲೆ ಆಹಾರ ಇಲಾಖೆ ಅಧಿಕಾರಿಗಳು ಸೋಮವಾರ ದಾಳಿ ನಡೆಸಿ ನಾಲ್ಕು ಗೃಹ ಬಳಕೆ ಸಿಲಿಂಡರ್​ ಹಾಗೂ ತೂಕದ ಯಂತ್ರ ವಶಪಡಿಸಿಕೊಂಡಿದ್ದಾರೆ.ನಗರದ ಹುಡ್ಕೋ ಕಾಲನಿ ಬಳಿ ಹಾಗೂ ರಾವೇಂದ್ರ ಕಾಲನಿ ಬಳಿ ಗೃಹ ಬಳಕೆ ಸಿಲಿಂಡರ್​ಗಳನ್ನು ಬಳಸಿ ಅಕ್ರಮವಾಗಿ ಆಟೋಗಳಿಗೆ ತುಂಬಿಸುತ್ತಿರುವ ಕುರಿತು ಖಚಿತ ಮಾಹಿತಿ ಮೇರೆಗೆ ಆಹಾರ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ಅಲ್ಲದೇ, ಈ ದಂಧೆಯಲ್ಲಿ ತೊಡಗಿದವರ ವಿರುದ್ಧ ಜಲನಗರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ಆಹಾರ ಇಲಾಖೆ ನಿರೀಕ್ಷಕ ವಿಜಯಕುಮಾರ ಗುಮಶೆಟ್ಟಿ, ಜಲನಗರ ಪೊಲೀಸ್​ ಠಾಣೆ ಸಬ್​ ಇನ್ಸ್​ಪೆಕ್ಟರ್​ ಮಹೇಶ ಸಂಖ, ಪೊಲೀಸ್​ ಸಿಬ್ಬಂದಿ ವಿ.ಎಂ. ಪವಾರ, ಪಿ.ಆರ್​. ರಾಠೋಡ, ಎಸ್​.ವೈ. ನಾಟಿಕಾರ, ಎಚ್​.ಎನ್​. ಪೂಜಾರಿ, ಎನ್​.ಬಿ. ಚವ್ಹಾಣ, ಸಚೀನಕುಮಾರ ನಂದೇಶ, ಎಂ.ಆರ್​. ಸಿಂಧೆ ದಾಳಿಯಲ್ಲಿ ಭಾಗವಹಿಸಿದ್ದರು.

ವಿಜಯಪುರದ ಹುಡ್ಕೋ ಕಾಲನಿ ಬಳಿ ಹಾಗೂ ರಾವೇಂದ್ರ ಕಾಲನಿ ಬಳಿ ಅಕ್ರಮ ಗ್ಯಾಸ್​ ರಿಫಿಲಿಂಗ್​ ಡ್​ಡೆಗಳ ಮೇಲೆ ಆಹಾರ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದರು. ವಿಜಯಕುಮಾರ ಗುಮಶೆಟ್ಟಿ, ಮಹೇಶ ಸಂಖ, ವಿ.ಎಂ. ಪವಾರ ಮತ್ತಿತರರಿದ್ದಾರೆ.