ಶರಣಪ್ಪನ ಪತ್ನಿ ಅಂಬಿಕಾ, ಹೆರಿಗೆಗಾಗಿ 2019ರಲ್ಲಿ ತವರು ಮನೆಗೆ ಹೋಗಿದ್ದರು. ಆ ವೇಳೆ ಸುಮನ್ ಆಫ್ರಿನ್, ಮತ್ತು ಶರಣಪ್ಪನ ನಡುವೆ ಆತ್ಮೀಯತೆ ಬೆಳೆದು ಪ್ರೀತಿಗೆ ತಿರುಗಿದೆ. ಇಬ್ಬರೂ ಮದುವೆ ಆಗಿದ್ದಾರೆ. ಈ ಕುರಿತು ಸುದ್ದಿಗೋಷ್ಠಿಯಲ್ಲಿ ಕಣ್ಣೀರಿಟ್ಟ ಅಂಬಿಕಾ, 'ನಾನು ಹೆರಿಗೆಗೆ ಹೋಗಿದ್ದೆ. ಆ ವೇಳೆ ಸುಮನ್, ನನ್ನ ಗಂಡನನ್ನು ಬಲೆಗೆ ಬೀಳಿಸಿಕೊಂಡು ಮದುವೆಯಾಗಿದ್ದಾಳೆ. ನನಗೆ ಹೆಣ್ಣು ಮಗು ಆಯಿತು. ಮುದ್ದಾದ ಮಗು ನೋಡಲು ಬನ್ನಿ ಅಂತ ನನ್ನ ಗಂಡನಿಗೆ ಹಲವು ಬಾರಿ ಕರೆ ಮಾಡಿದೆ. ಆದರೆ ಅವರು ಬೆಂಗಳೂರಿನಲ್ಲಿ ಕೆಲಸಕ್ಕೆ ಸೇರಿದ್ದೇನೆ ಎಂದು ಸುಳ್ಳು ಹೇಳಿ ದಿನ ದೂಡುತ್ತಿದ್ದರು. ಅನುಮಾನ ಬಂದು ನನ್ನ ತಂದೆ-ತಾಯಿ ಇಬ್ಬರೂ ಹೋಗಿ ಪರಿಶೀಲಿಸಿದಾಗ ಸುಮನ್ ಮತ್ತು ನನ್ನ ಗಂಡ ಮದುವೆ ಆಗಿರುವ ವಿಚಾರ ಗೊತ್ತಾಯಿತು ಎಂದು ವಿವರಿಸಿದರು.
