ಒಂದು ಮಾತಿದೆ. ಅಭಿವೃದ್ಧಿ ಯಾವ ರೀತಿ ಇರಬೇಕೆಂದರೆ ಜನರ ಸುತ್ತ ಅಭಿವೃದ್ಧಿ ಇರಬೇಕು. ಅಭಿವೃದ್ಧಿ ಸುತ್ತ ಜನರು ಓಡಾಡಬಾರದು. ಎಲ್ಲಿ ಜನರು ವಾಸವಾಗಿದ್ದಾರೋ ಅಲ್ಲಿ ಅಭಿವೃದ್ಧಿ ಮುಟ್ಟಬೇಕು. ಸರ್ಕಾರಿ ಕಚೇರಿಗಳಲ್ಲಿ ಜನ ಸುತ್ತಾಡುವುದನ್ನು ನಿಲ್ಲಿಸಬೇಕು. ಈ ನಿಟ್ಟಿನಲ್ಲಿ ಜನಸ್ನೇಹಿ ಸರ್ಕಾರ ನಮ್ಮದಾಗುತ್ತದೆ. ಯಾವುದೇ ಸರ್ಕಾರಿ ಕಚೇರಿಯಲ್ಲಿ ಸಾಮಾನ್ಯ ಜನ ಬಂದರೆ, ಅವರಿಗೆ ಕೂಡಲೇ ಪರಿಹಾರವನ್ನ, ಅವರಿಗೆ ಬೇಕಾಗಿರುವ ಪ್ರಮಾಣ ಪತ್ರವನ್ನ ಹಾಗೂ ಅವರ ಕೆಲಸ-ಕಾರ್ಯಗಳನ್ನು ಕೂಡಲೇ ಮಾಡಲು ಅನುವಾಗುವಂತಹ ಇನ್ನಷ್ಟು ಕಾಯಕಲ್ಪವನ್ನು ಕೊಡುವಂತೆ ಕೆಲಸವನ್ನು ಮಾಡುತ್ತೇನೆ. ತಾಲೂಕು ಕಚೇರಿ, ಸಬ್ ರಿಜಿಸ್ಟ್ರಾರ್ ಕಚೇರಿ ಜನ ಅಲೆಯದಂತೆ ಮಾಡುವುದು ನಮ್ಮ ಆದ್ಯತೆಯಾಗಿದೆ ಎಂದರು.
