ಮಳೆಯಿಂದ ಪಟಾಕಿ ವ್ಯಾಪಾರ ಠುಸ್..!

ಹರಿಪ್ರಸಾದ್ ನಂದಳಿಕೆ ಕಾರ್ಕಳ

ರಾಜ್ಯದೆಲ್ಲೆಡೆ ದೀಪಾವಳಿ ಸಂಭ್ರಮ ಮನೆ ವಾಡಿದ್ದರೂ, ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯಲ್ಲಿ ಈ ಬಾರಿ ಹಬ್ಬದ ವಾತಾವರಣದ ಜತೆಗೆ ಅಕಾಲಿಕ ಮಳೆಯ ಕಾರ್ಮೋಡ ಆವರಿಸಿದೆ. ಹಬ್ಬದ ಪ್ರಮುಖ ಆಕರ್ಷಣೆಯಾದ ಪಟಾಕಿ ಸಿಡಿಸುವ ಉತ್ಸಾಹಕ್ಕೆ ಮಳೆ ತಣ್ಣೀರೆರೆಚಿದ್ದು, ಪಟಾಕಿ ವ್ಯಾಪಾರದ ಮೇಲೆ ಇದು ಪರಿಣಾಮ ಬೀರಿದೆ.

ದಕ್ಷಿಣ ಕನ್ನಡದ ಮಂಗಳೂರು, ಪುತ್ತೂರು, ಸುಳ್ಯ ಹಾಗೂ ಉಡುಪಿಯ ಕಾರ್ಕಳ, ಕುಂದಾಪುರ ಸೇರಿದಂತೆ ಪ್ರಮುಖ ಪಟ್ಟಣ ಹಾಗೂ ಗ್ರಾಮೀಣ ಭಾಗಗಳಲ್ಲಿ ಪಟಾಕಿ ಮಾರಾಟಕ್ಕೆ ತಾತ್ಕಾಲಿಕ ಮಳಿಗೆಗಳು ನಿರ್ವಾಣಗೊಂಡಿದ್ದವು. ಆದರೆ ಕಳೆದ ಕೆಲ ದಿನಗಳಿಂದ ಸುರಿಯುತ್ತಿರುವ ಅಕಾಲಿಕ ಮಳೆಯಿಂದಾಗಿ ಜನ ಪಟಾಕಿ ಖರೀದಿಗೆ ಹಿಂದೇಟು ಹಾಕುತ್ತಿದ್ದಾರೆ. ಹೀಗಾಗಿ ದ.ಕ. ಹಾಗೂ ಉಡುಪಿ ಜಿಲ್ಲೆಯ ನೂರಾರು ತಾತ್ಕಾಲಿಕ ಪಟಾಕಿ ಮಳಿಗೆಗಳಿಗೆ ವ್ಯಾಪಾರದಲ್ಲಿ ಭಾರಿ ಕುಂಠಿತವಾಗಿದೆ.

ದಿನಕ್ಕೆ ಲಕ್ಷಾಂತರ ಮೊತ್ತದ ವ್ಯಾಪಾರದ ಉದ್ದೇಶವನ್ನು ಇಟ್ಟುಕೊಂಡಿದ್ದ ವ್ಯಾಪಾರಸ್ಥರು ಇದೀಗ ಬರೀ ದಿನಕ್ಕೆ 20ರಿಂದ 30 ಸಾವಿರ ರೂ.ನಷ್ಟು ಮಾತ್ರ ವ್ಯಾಪಾರ ವಾಡುವಂತಾಗಿದೆ. ಗುಡುಗು ಸಹಿತ ಮಳೆಗೆ ಪಟಾಕಿ ಖರೀದಿಸುವವರ ಸಂಖ್ಯೆ ಗಣನೀಯ ಪ್ರವಾಣದಲ್ಲಿ ಇಳಿಕೆಯಾಗಿದೆ.

 ಹಬ್ಬದ ಸಿದ್ಧತೆಗಳಿಗೂ ಮಳೆ ಅಡ್ಡಿ

ಪಟಾಕಿ ವ್ಯಾಪಾರ ಮಾತ್ರವಲ್ಲ ಮನೆಯಂಗಳದಲ್ಲಿ ದೀಪ ಹಚ್ಚುವ ಕಾರ್ಯಕ್ಕೂ ಮಳೆ ಅಡ್ಡಿಪಡಿಸಿದೆ. ಸಂಜೆಯಾಗುತ್ತಿದ್ದಂತೆ ಜಿಲ್ಲೆಯಲ್ಲಿ ಮಳೆ ಸುರಿಯುತ್ತಿರುವುದರಿಂದ ಜನ ದೀಪೋತ್ಸವ ವಾಡುವ ಆಸೆ ಕೈಬಿಡುತ್ತಿದ್ದಾರೆ. ಹಬ್ಬದ ವಾತಾವರಣವನ್ನೇ ಮಂಕಾಗಿಸಿದೆ.