ಕಾರವಾರ: ಹೊನ್ನಾವರ ಕಾಸಕೋಡಿನಲ್ಲಿ ಮತ್ತೆ ಖಾಸಗಿ ಬಂದರಿನ ವಿಚಾರ ಭುಗಿಲೆದ್ದಿದೆ. ಗಲಾಟೆಗಳು ಪ್ರಾರಂಭವಾಗಿವೆ.
ಕಾಸರಕೋಡು ಟೊಂಕ ಪ್ರದೇಶದಲ್ಲಿ ರಾತ್ರಿ ವೇಳೆ ಕೆಲವರು ಮೀನುಗಾರರ ಮನೆಗೆ ನುಗ್ಗಿ, ಹಲ್ಲೆ ಮಾಡಿ, ಜೀವ ಬೆದರಿಕೆ ಒಡ್ಡಿದ ಘಟನೆ ಬುಧವಾರ ರಾತ್ರಿ ನಡೆದಿದೆ.
ತುಳು ಮಾತನಾಡುವ ಸುಮಾರು 40 ಜನರು ಇಸ್ಮಾಯಿಲ್ ಜಬಿವುಲ್ಲಾ ಅಶ್ರಫ್, ಖಾಸಿಂ ಹುಸೇನ್ ಸಾಬ್ , ಚಂದ್ರಕಾಂತ ತಾಂಡೇಲ ಅವರು ಎಚ್ ಪಿಪಿಎಲ್ ಕಂಪನಿಗೆ ಸೇರಿದವರು ಎಂದು ಹೇಳಿಕೊಳ್ಳುತ್ತ ಆಗಮಿಸಿ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ರೇಖಾ ತಾಂಡೇಲ ಹೊನ್ನಾವರ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ಮನೆಯಲ್ಲಿ ಗಂಡಸರು ಮೀನುಗಾರಿಕೆ ಕೆಲಸಕ್ಕೆ ಹೋದ ಸಮಯದಲ್ಲಿ ಮನೆಗೆ ಬಂದು ಅಳತೆ ಮಾಡಲು ಶುರು ಮಾಡಿದ್ದರು ಎನ್ನಲಾಗಿದೆ. ಅದನ್ನು ಪ್ರಶ್ನಿಸಿದ ರಾಜೇಶ ತಾಂಡೇಲ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಕೊಲೆ ಮಾಡುವುದಾಗಿ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ದೂರಿದರು.
