ಪಟ್ಟಣದ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಬಿಸಿಎಂ ಇಲಾಖೆ ಕಡೂರು, ತಾಲೂಕು ಆಡಳಿತ, ಜಿಲ್ಲಾ ಪಂಚಾಯತ್, ಕೆ.ಹೆಚ್.ಪಿ.ಟಿ ಬೆಂಗಳೂರು ಇಲಾಖೆಗಳ ಸಹಯೋಗದೊಂದಿಗೆ ಆಶಾ ಕಾರ್ಯರ್ತೆಯರು, ಅಂಗನವಾಡಿ, ಮುಖ್ಯಶಿಕ್ಷಕರು ಹಾಗೂ ಪಿಡಿಒಗಳಿಗೆ ಆಯೋಜಿಸಿದ್ದ ಎರಡು ದಿನಗಳ ಭದ್ರಬಾಲ್ಯ ಪ್ರಧಾನ ಆಶಯಗಳ ಗ್ರಾಪಂ ಮಟ್ಟದ ಸದಸ್ಯರ ತರಬೇತಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ರಾಜ್ಯದಲ್ಲಿ ಕಳೆದ 10 ತಿಂಗಳ ಅವಧಿಯಲ್ಲಿ 24,436 ಬಾಲ್ಯ ಗರ್ಭಿಣಿಯರಾಗಿದ್ದಾರೆ. ಜಿಪಂ ಸಿಇಒ ಹೆಚ್.ಎಸ್.ಕೀರ್ತನ ಅವರು ಭದ್ರಬಾಲ್ಯ ಎಂಬ ಹೆಸರಿನಡಿ ಕಾರ್ಯಕ್ರಮ ರೂಪಿಸಿ ಅತಿ ಹೆಚ್ಚು ಬಾಲ್ಯ ಗರ್ಭಿಣಿಯರು ಕಂಡು ಬಂದ ಜಿಲ್ಲೆಗಳನ್ನು ಆಯ್ಕೆ ಮಾಡಿಕೊಂಡು ಗ್ರಾಮ ಪಂಚಾಯಿತಿ ಮಟ್ಟದ ಮಹಿಳಾ ಮತ್ತು ಮಕ್ಕಳ ಹಕ್ಕುಗಳ ಕಾವಲು ಸಮಿತಿಗಳ ಮೂಲಕ ಅರಿವು ಮೂಡಿಸಿ ಬಾಲ್ಯ ಗರ್ಭಿಣಿಯರನ್ನು ತಡೆಯಲು ಕಾವಲು ಸಮಿತಿಯಿಂದ ಕಾರ್ಯನಿರ್ವಹಿಸುವ ದೃಷ್ಠಿಯಿಂದ ತರಬೇತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದರು.
