ಬಡ್ಡಿ ಸಾಲ ವಸೂಲಿಗಾರರ ವಿರುದ್ಧ ದೂರು ದಾಖಲು

ಗುತ್ತಲ: ಬಡ್ಡಿ ಸಾಲ ವಸೂಲಿಗಾಗಿ ವ್ಯಕ್ತಿಯೊಬ್ಬನಿಗೆ ಕಿರುಕುಳ ನೀಡಿದ ಆರೋಪದಡಿ ಇಬ್ಬರು ಆರೋಪಿಗಳ ವಿರುದ್ಧ ಇಲ್ಲಿಯ ಗುತ್ತಲ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ರಾಜಪ್ಪ ಶೇಖಪ್ಪ ಬಾಕಿರ್ ಹಾಗೂ ಬ್ರೇಂಜಾಮನ್​ ಮೈಕಲ್​ ರಾಬಿನ್​ ಬೀರನೂರ ಎಂಬುವರ ವಿರುದ್ಧ ದೂರು ದಾಖಲಾಗಿರುವುದು.

ಇವರು ವಿರುದ್ಧ ಬಟ್ಟೆ ವ್ಯಾಪಾರಿ ಶ್ರೀಕಾಂತ ವಿಷ್ಣುರಾವ್​ ತೇಲ್ಕಾರ ಎಂಬುವರು ದೂರು ದಾಖಲಿಸಿದ್ದಾರೆ. ರಾಜಪ್ಪ ಎಂಬುವನಿಂದ 2023ರಲ್ಲಿ 1.50 ಲಕ್ಷ ರೂ. ಸಾಲ ಪಡೆದಿದ್ದು, ಅದಕ್ಕಾಗಿ 2.50 ಲಕ್ಷ ರೂ. ಬಡ್ಡಿ ತುಂಬಿದ್ದೇನೆ. ಅಲ್ಲದೆ ಬ್ರೇಂಜಾಮನ್​ಗೆ ಕೂಡ 52 ಸಾವಿರ ರೂ. ಬಡ್ಡಿ ಕೊಟ್ಟಿದ್ದೇನೆ. ಇಬ್ಬರು ನನ್ನಿಂದ ಸಹಿ ಮಾಡಿದ ಖಾಲಿ ಚೆಕ್​ಗಳನ್ನು ಪಡೆದುಕೊಂಡು ಈಗ ಹಣಕ್ಕಾಗಿ ಪಿಡಿಸುತ್ತಿದ್ದಾರೆ ಎಂದು ಶ್ರೀಕಾಂತ ದೂರಿನಲ್ಲಿ ಆರೋಪಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.