ರಸ್ತೆ ಕಿರಿಕ್​ನಿಂದಾಗಿ ಬದುಕೇ ಅಂತ್ಯ; ನೂಕಿದ್ದಕ್ಕೆ ಕೊಲೆ ಕೇಸ್​..

ಮಂಡ್ಯ: ಯಾವುದು ಮಾರಣಾಂತಿಕವಾಗುತ್ತದೋ ಹೇಳುವುದು ಕಷ್ಟ. ಅಂಥದ್ದೇ ಒಂದು ಪ್ರಕರಣ ಇಲ್ಲಿ ಸಂಭವಿಸಿದ್ದು, ರಸ್ತೆ ವಿಚಾರವಾಗಿ ನಡೆದ ಗಲಾಟೆಯಿಂದ ಬದುಕೇ ಅಂತ್ಯಗೊಂಡಿದೆ. ಮಾತ್ರವಲ್ಲ, ಬರೀ ನೂಕಿದ್ದಕ್ಕೆ ಒಬ್ಬ ಕೊಲೆ ಪ್ರಕರಣ ಎದುರಿಸುವಂತಾಗಿದೆ.

ಮಂಡ್ಯ ಜಿಲ್ಲೆಯ ಮಳವಳ್ಳಿ ತಾಲೂಕಿನ ಬೆಂಡರವಾಡಿಯಲ್ಲಿ ಈ ಪ್ರಕರಣ ನಡೆದಿದೆ. ಶಿವಕುಮಾರ್​ ಎಂಬಾತ ಸಾವಿಗೀಡಾಗಿದ್ದು, ಅಶೋಕ್ ಎಂಬಾತ ಕೊಲೆ ಆರೋಪಿ ಎನಿಸಿಕೊಂಡಿದ್ದಾನೆ. ಒಂದು ರಸ್ತೆ ವಿಚಾರವೇ ಇಂಥ ಅವಸ್ಥೆಗೆ ಕಾರಣವಾಗಿದೆ.

ರಸ್ತೆಯೊಂದರ ವಿಷಯವಾಗಿ ಶಿವಕುಮಾರ್ ಮತ್ತು ಅಶೋಕ್ ಮಧ್ಯೆ ಏ. 25ರಂದು ಜಗಳವಾಗಿತ್ತು. ಈ ಸಂದರ್ಭ ಶಿವಕುಮಾರ್​ನನ್ನು ಅಶೋಕ್ ನೂಕಿದ್ದು, ಶಿವಕುಮಾರ್ ಕೆಳಕ್ಕೆ ಬಿದ್ದಿದ್ದ. ಆಗ ಆತನ ತಲೆಗೆ ಗಂಭೀರವಾದ ಗಾಯವಾಗಿದ್ದು, ತೀವ್ರ ರಕ್ತಸ್ರಾವ ಉಂಟಾಗಿತ್ತು.

ತಕ್ಷಣ ಆತನನ್ನು ಮೈಸೂರಿನ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದು ದಾಖಲಿಸಲಾಗಿತ್ತು. ಅಲ್ಲಿ ಚಿಕಿತ್ಸೆ ನೀಡಲಾಗಿದ್ದರೂ ಫಲಿಸದೆ ಶಿವಕುಮಾರ್ ಇಂದು ಮೃತಪಟ್ಟಿದ್ದಾನೆ. ಈ ಸಂಬಂಧ ಕಿರುಗಾವಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಒಬ್ಬನನ್ನು ವಶಕ್ಕೆ ಪಡೆದಿದ್ದಾರೆ.

https://www.vijayavani.net/vehicle-containing-alcohol-met-with-accident-people-rushed-to-grab-bottles/

https://www.vijayavani.net/police-arrested-chain-snatcher-who-snatched-chain-at-hospital/