ವಿಜಯವಾಣಿ ಸುದ್ದಿಜಾಲ ಧಾರವಾಡ
ಬೆಂಗಳೂರಿನ ಅಖಿಲ ಕರ್ನಾಟಕ ಸಾಂಸ್ಕೃತಿಕ ಪರಿಷತ್ ವತಿಯಿಂದ ನಗರದಲ್ಲಿ ಸೆ. 28, 29ರಂದು ಆಯೋಜಿಸಿರುವ ಅಖಿಲ ಭಾರತ ಪ್ರಥಮ ಶೈಕ್ಷಣಿಕ ಸಮ್ಮೇಳನದ ಸರ್ವಾಧ್ಯಕ್ಷರನ್ನಾಗಿ ಕ್ಲಾಸಿಕ್ ಸಮೂಹ ಸಂಸ್ಥೆಗಳ ನಿರ್ದೇಶಕ ಲಕ್ಷ್ಮಣ ಉಪ್ಪಾರ ಅವರನ್ನು ಆಯ್ಕೆ ಮಾಡಲಾಗಿದೆ.
ಪರಿಷತ್ ಪದಾಧಿಕಾರಿಗಳು ಭಾನುವಾರ ಉಪ್ಪಾರ ನಿವಾಸಕ್ಕೆ ಭೇಟಿ ನೀಡಿ ಅಧಿಕೃತ ಆಹ್ವಾನ ನೀಡಿ ದಂಪತಿಗೆ ಸನ್ಮಾನಿಸಿದರು. ಸಮ್ಮೇಳನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಕ್ಕೆ ಸಂತೋಷವಾಗಿದೆ ಎಂದು ಲಕ್ಷ್ಮಣ ಉಪ್ಪಾರ ಹೇಳಿದರು.
ಸಂಸ್ಥಾಪಕ ರಾಜ್ಯಾಧ್ಯಕ್ಷ ಮನೋಹರ ನಾಯಕ್, ಜಿ.ಎಸ್. ಬಿರಾದಾರ, ರತ್ನಾ ಬದಿ, ಎನ್.ವಿ. ರಾಠೋಡ, ಪಂಚಾಕ್ಷರಯ್ಯ ಹಿರೇಮಠ, ಪಾಂಡು ಚೌಹಾಣ, ಮಂಜುನಾಥ ಗಾಳಿ, ಉಷಾ ನಾಯಕ್, ಎಸ್.ಡಿ. ಮೂಡೆನ್ನವರ, ಸಂಜೀವ ರೆಡ್ಡಿ, ಸಂತೋಷ ಮುಂಡಗೋಡ, ಶಶಿರೇಖಾ ರಾಗಿ, ಶಾಂತಲಾ ನೀಲರೆಡ್ಡಿ, ಬಸವರಾಜ ಹಡಪದ, ಸುಮಾ ಹಡಪದ, ಇತರರು ಇದ್ದರು.
ಆನಂದ ಹಕ್ಕೆನ್ನವರ ವಂದಿಸಿದರು.
