ಕ್ವಾರಂಟೈನ್ ಸಂಕಷ್ಟ: ಕ್ವಾರಂಟೈನ್ ಮಾಡಲಾಗಿರುವವರ ಮನೆಗೆ ಹೋಗಿ ಅವರಿಂದ ಸಹಿ ಪಡೆಯಬೇಕಾಗಿದ್ದು, ಆತಂಕದಲ್ಲೇ ಪರಿಶೀಲಿಸುವ ಪರಿಸ್ಥಿತಿ ಎದುರಾಗಿದೆ. ಸೋಂಕಿತರ ಮನೆ ಬಳಿಯ ಪೊಲೀಸ್, ಆರೋಗ್ಯ ಇಲಾಖೆ ಮತ್ತು ಬಿಬಿಎಂಪಿ ಅಧಿಕಾರಿಗಳಿಗೆ ಸೋಂಕು ಬರುವ ಸಾಧ್ಯತೆಗಳು ಹೆಚ್ಚಾಗಿದೆ. ಬೆಂಗಳೂರೊಂದರಲ್ಲೇ 15 ಸಾವಿರಕ್ಕೂ ಹೆಚ್ಚು ಜನರನ್ನು ಹೋಂ ಕ್ವಾರಂಟೈನ್ ಮಾಡಲಾಗಿದೆ. ಠಾಣೆಯ ಎಲ್ಲ ಸಿಬ್ಬಂದಿ ವಿವಿಧ ಪ್ರದೇಶಕ್ಕೆ ಹೋಗಿ ಬಂದಿರುತ್ತಾರೆ. ಅವರಲ್ಲಿ ಯಾರಾದರೂ ಮೈಮರೆತರೆ ಇಡೀ ಠಾಣೆಗೆ ಅಥವಾ ಕಚೇರಿಗೆ ಸೋಂಕು ತಗಲುತ್ತದೆ. ಸೋಂಕು 3ನೇ ಹಂತಕ್ಕೆ ತಲುಪುತ್ತಿರುವುದು ಭೀತಿಗೆ ಕಾರಣವಾಗಿದೆ ಎಂದು ಅಧಿಕಾರಿಯೊಬ್ಬರು ವಿಜಯವಾಣಿ ಜತೆ ಅಳಲು ತೋಡಿಕೊಂಡಿದ್ದಾರೆ.
