ಹಿಂಗಾರಿನಲ್ಲಿ ಕೃಷಿ ಇಲಾಖೆಯಿಂದ ಜಿಲ್ಲೆಯಲ್ಲಿ 64,228 ಹೆಕ್ಟೇರ್ನಲ್ಲಿ ಬಿತ್ತನೆ ಗುರಿ ಹೊಂದಲಾಗಿತ್ತು. ಇದರಲ್ಲಿ ಭತ್ತ 53,642 ಹೆಕ್ಟೇರ್, ರಾಗಿ ಹಾಗೂ ಇತರೆ ಸೇರಿದಂತೆ 4,324 ಹೆಕ್ಟೇರ್ನಲ್ಲಿ ಬಿತ್ತನೆ ಮಾಡಲಾಗಿದೆ. ಜಿಲ್ಲೆಯಲ್ಲಿ ತುಂಗಭದ್ರ ಜಲಾಶಯದ ಎಲ್ಎಲ್ಸಿ ಕಾಲುವೆ ಹರಿದು ಹೋಗಿರುವುದರಿಂದ ಶೇ.87% ರಷ್ಟು ಆರ್ಎನ್ಆರ್ ಹಾಗೂ ಸೋನಾ ಮಸೋರಿ ಭತ್ತದ ತಳಿಗಳನ್ನು ನಾಟಿ ಮಾಡಲಾಗಿದೆ. ಆದರೆ, ಹವಾಮಾನ ಬದಲಾವಣೆಯಿಂದ ಈ ಬಾರಿ ಚಳಿ ಹೆಚ್ಚಿದ್ದು ಭತ್ತದಲ್ಲಿ ಕುಸುಮ, ವಡೆ ಬಿಚ್ಚುವುದು ಹಾಗೂ ತೆನೆ ಹೊರಬರಲು ತಡವಾಗಿದೆ. ಆದರೆ, ಜಲಾಶಯದ ನೀರಿನ ಪ್ರಮಾನ ದಿನೇದಿನೆ ಕಡಿಮೆಯಾಗುತ್ತಿರುವುದರಿಂದ ಈ ತಿಂಗಳ ಕೊನೆಯಲ್ಲಿ ಎಲ್ಎಲ್ಸಿ ಕಾಲುವೆ ನೀರು ಸ್ಥಗಿತಗೊಳಿಸಲು ನಿರ್ಧಾರಿಸಲಾಗಿದೆ ಎನ್ನಲಾಗಿದೆ. ಆದರೆ, ಏ.10 ರವರೆಗೆ ನೀರು ಹರಿಸದಿದ್ದರೆ ಎಕರೆಗೆ ಲಕ್ಷಾಂತರ ವ್ಯಯಿಸಿರುವ ರೈತರು ಮತ್ತೋಮ್ಮೆ ನಷ್ಟ ಹೊಂದಲಿದ್ದಾರೆ. ಆದ್ದರಿಂದ, ಮಾ.21 ರಂದು ನಡೆಯುವ ನೀರಾವರಿ ಸಲಹಾ ಸಮಿತಿ ಸಭೆಯಲ್ಲಿ ಜಿಲ್ಲೆಯ ಭತ್ತ ಬೆಳೆದಿರುವ ರೈತರ ಅನುಕೂಲಕ್ಕಾಗಿ ನೀರು ಹರಿಸಲಿ ಎಂಬ ಆಗ್ರಹವಾಗಿದೆ.
