ಹಣತೆಯಂತೆ ಬೆಳಗಿ ಭರವಸೆಯ ಬೆಳಕಾಗೋಣ

ತೊಟ್ಟಂ ಚರ್ಚ್​ನ ಫಾದರ್​ ಡೆನಿಸ್​ ಡೆಸಾ ಆಶಯ

ಹಿಂದುಗಳ ಮನೆಗೆ ತೆರಳಿ ದೀಪಾವಳಿ ಶುಭಾಶಯ ವಿನಿಮಯ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಮಲ್ಪೆಯ ತೊಟ್ಟಂ ಸಂತ ಅನ್ನಮ್ಮ ಚರ್ಚ್​ನ ವತಿಯಿಂದ ಹಿಂದು ಬಾಂಧವರ ಮನೆಗಳಿಗೆ ತೆರಳಿ ದೀಪಾವಳಿ ಹಬ್ಬದ ಶುಭಾಶಯ ವಿನಿಮಯದ ಮೂಲಕ ವಿಶಿಷ್ಟವಾಗಿ ಆಚರಿಸಲಾಯಿತು. ದೀಪಾವಳಿಯ ಪ್ರಯುಕ್ತ ಸತತ ಮೂರು ದಿನ ಚರ್ಚ್​ ವ್ಯಾಪ್ತಿಯ ವಿವಿಧ ಹಿಂದು ಸಮಾಜದವರ ಮನೆಗೆ ತೆರಳಿದ ಕ್ರೈಸ್ತರು, ಸಿಹಿ ತಿಂಡಿ ಹಾಗೂ ಹಣತೆ ನೀಡಿ ಹಬ್ಬದ ಸಂಭ್ರಮ ವಿನಿಮಯ ಮಾಡಿಕೊಂಡರು.

ಚರ್ಚ್​ನ ಪಾಲನಾ ಸಮಿತಿಯ ಉಪಾಧ್ಯಕ್ಷ ಲೆಸ್ಲಿ ಆರೋಝಾ, ಕಾರ್ಯದರ್ಶಿ ಬ್ಲೆಸಿಲ್ಲಾ ಕ್ರಾಸ್ತಾ, ಸ್ಥಳೀಯ ಕಾನ್ವೆಂಟ್​ನ ಸಿಸ್ಟರ್​ ಸುಶ್ಮಾ, ಸಿಸ್ಟರ್​ ಶಾಲಿನಿ ಇತರರು ಉಪಸ್ಥಿತರಿದ್ದರು.