1.10 ಲಕ್ಷ ರೂ. ಮೌಲ್ಯದ 5 ಪಂಪಸೆಟ್​ ಕಳ್ಳತನ

ರಾಣೆಬೆನ್ನೂರ: ಬೆಳೆಗಳಿಗೆ ನೀರು ಹಾಯಿಸಲು ತುಂಗಭದ್ರಾ ನದಿಪಾತ್ರದಲ್ಲಿ ಅಳವಡಿಸಿದ್ದ 1.10 ಲಕ್ಷ ರೂ. ಮೌಲ್ಯದ 5 ರೈತರ ಪಂಪಸೆಟ್​ಗಳನ್ನು ಯಾರೋ ಖದೀಮರು ದೋಚಿರುವ ಘಟನೆ ತಾಲೂಕಿನ ಚಿಕ್ಕಕುರುವತ್ತಿ ಗ್ರಾಮದಲ್ಲಿ ಸೋಮವಾರ ರಾತ್ರಿ ನಡೆದಿದೆ.

ಗ್ರಾಮದ ಶಿವನಗೌಡ ಕೆಂಪಗೌಡ್ರ, ರಮೇಶ ಕೆಂಪಗೌಡ್ರ, ಮಲ್ಲಿಕಾರ್ಜುನ ಬಿದರಿ, ನಿಂಗಪ್ಪ ಮಾದರ ಹಾಗೂ ಚನ್ನಪ್ಪ ಚನ್ನಗೌಡ್ರ ಎಂಬುವರಿಗೆ ಸೇರಿ ಐದು ಪಂಪಸೆಟ್​ಗಳನ್ನು ದೋಚಲಾಗಿದೆ.

ಇವರು ಬೆಳೆಗಳಿಗೆ ನೀರು ಹಾಯಿಸಲು ನದಿಪಾತ್ರದಲ್ಲಿ ಅಳವಡಿಸಿದ್ದ ಪಂಪಸೆಟ್​ಗಳನ್ನು ಯಾರೋ ದುಷ್ಕಮಿರ್ಗಳು ದೋಚಿದ್ದಾರೆ. ಈ ಕುರಿತು ಗ್ರಾಮೀಣ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.