ರೈತ ಗವಿಸಿದ್ದರಡ್ಡಿ ಮಾತನಾಡಿ, 4 ಎಕರೆಯಲ್ಲಿ ಕಬ್ಬು ಬೆಳೆಯಲಾಗಿತ್ತು. ಜನೆವರಿ ತಿಂಗಳಲ್ಲಿ ಕಬ್ಬು ಕಟಾವು ಮಾಡಿಸಲಾಗಿದೆ. ವಿಜಯನಗರ ಸಕ್ಕರೆ ಕಾರ್ಖಾನೆಯವರು ಕಬ್ಬು ಕಟಾವು ಮಾಡಿಸಿ ಐದು ತಿಂಗಳು ಕಳೆದರೂ ಬಾಕಿ ಹಣ ನೀಡುತ್ತಿಲ್ಲ. ಕಬ್ಬು ಕಟಾವು ಮಾಡುವುದಕ್ಕೆ ಅನುಕೂಲವಾಗಲಿದೆ ಎಂದು ಹೇಳಿ ಕಾರ್ಖಾನೆ ಮ್ಯಾನೇಜರ್ ಕಬ್ಬಿಗೆ ಬೆಂಕಿ ಹಚ್ಚಿಸಿ ನಂತರ ಕಟಾವು ಮಾಡಿದರು. 89ಟನ್ ಕಬ್ಬು ಬಂದಿತ್ತು. ಪ್ರತಿ ಟನ್ಗೆ 2,400 ರೂ.ಯಂತೆ 2.13ಲಕ್ಷ ರೂ. ಕೊಡಬೇಕಿತ್ತು. ಅದರಲ್ಲಿ ಬೀಜ, ಗೊಬ್ಬರ ಸೇರಿ 1ಲಕ್ಷ ರೂ. ಬಾಕಿ ತೆಗೆದು ಕೇವಲ 19,636ರೂ.ಗಳನ್ನು ಮಾರ್ಚ್ನಲ್ಲಿ ನೀಡಿದ್ದರು. ಇನ್ನುಳಿದ 95ಸಾವಿರ ರೂ. ಬಾಕಿ ನೀಡಲು ಸತಾಯಿಸುತ್ತಿದ್ದಾರೆ ಎಂದು ದೂರಿದರು.
