ಜಿ.20 ಶೃಂಗ ಸಭೆ ವಿರೋಧಿಸಿ ರೈತರ ಪ್ರತಿಭಟನೆ

ಚಿತ್ರದುರ್ಗ

ಬೆಂಗಳೂರಲ್ಲಿ ಡಿ.13ರಿಂದ 17ರವರೆಗೆ ಹಾಗೂ ದೇಶದ ಇತರೆ ನಡೆಯಲಿರುವ ಜಿ.20 ರಾಷ್ಟ್ರಗಳ ಶೃಂಗಸಭೆ ವಿರೋಧಿಸಿ ರಾಜ್ಯರೈತ ಸಂಘ ಹಾಗೂ ಹಸಿರು ಸೇನೆ ಕಾರ್ಯಕರ್ತರು ಹಸಿರು ಕಪ್ಪು ಪಟ್ಟಿ ಧರಿಸಿ ಡಿಸಿ ಕಚೇರಿ ಪ್ರತಿಭಟಿಸಿದರು.

ಬೆಂಗಳೂರಿನ ದೇವನಹಳ್ಳಿಯ ಲ್ಲಿ ಈ ಸಭೆ ಏರ್ಪಡಿಸಿರುವುದು ಕನ್ನಡಿಗರ ದೌರ್ಭಾಗ್ಯದ ಸಂಗತಿಯಾಗಿದೆ. ಅಂಬಾನಿ,ಆದಾನಿ ಮತ್ತಿತರ ಬಂಡವಾಳ ಶಾಹಿಗಳನ್ನು ಆರ್ಥಿಕವಾಗಿ ಬಲಪಡಿಸುವ ಹಾಗೂ ದೇಶವನ್ನು ದಿವಾಳಿಗೆ ನೂಕುವ ಹುನ್ನಾರುಗಳ ಭಾಗವಾಗಿ ಈ ಶೃಂಗಸಭೆಗಳೆಂದು ಆರೋಪಿಸಿದರು. ದೇಶದ ವೈವಿಧ್ಯತೆ,ಅನೇಕತೆಯಲ್ಲಿನ ಏಕತೆಗೆ ಈ ಸಭೆಗಳು ಧಕ್ಕೆ ತರುತ್ತವೆ.

ಆದ್ದರಿಂದ ದೇಶದಲ್ಲಿ ನಡೆಯಲಿರುವ ಈ ಎಲ್ಲ ಸಭೆಗಳನ್ನು ರದ್ದುಪಡಿಸಬೇಕೆಂದು ಆಗ್ರಹಿಸಿ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು. ರಾಜ್ಯರೈತ ಸಂಘದ ಕಾರ‌್ಯಾಧ್ಯಕ್ಷ ಈಚಘಟ್ಟದ ಸಿದ್ದವೀರಪ್ಪ,ಜಿಲ್ಲಾಧ್ಯಕ್ಷ ಡಿ.ಎಸ್.ಹಳ್ಳಿ ಮಲ್ಲಿಕಾರ್ಜುನ,ಪ್ರಧಾನ ಕಾರ‌್ಯದರ್ಶಿ ಜಿ. ರಾಮರೆಡ್ಡಿ,ರಾಜಶೇಖರಪ್ಪ,ರಾಮಚಂದ್ರಪ್ಪ,ಮಂಜುನಾಥ್,ಲೋಕೇಶಪ್ಪ,ಸದಾಶಿವಪ್ಪ, ಸೇರಿದಂತೆ ಇತರರು ಭಾಗವಹಿಸಿದ್ದರು.