ಯೋಜನೆ ಕಾರ್ಯನಿರ್ವಾಹಕ ನಿರ್ದೇಶಕ ಡಾ.ಎಲ್.ಎಚ್.ಮಂಜುನಾಥ್ ಮಾತನಾಡಿ, ಹಡಿಲು ಭೂಮಿ ಸಮಸ್ಯೆ ಹೆಚ್ಚಿದ್ದು, ಹೊಸ ಪದ್ಧತಿ ಅಳವಡಿಸಿ ಹಡಿಲು ಭೂಮಿ ಹಸನು ಮಾಡಲಾಗಿದೆ. ಈ ಯೋಜನೆಯಲ್ಲಿ ರೈತರಿಗೆ ಭತ್ತ ಬೆಳೆಯಲು ಯಂತ್ರ ಹಾಗೂ ಹಣಕಾಸು ಸಹಕಾರ ನೀಡಲಾಗುತ್ತದೆ. 40 ವರ್ಷಗಳಲ್ಲಿ ಯೋಜನೆ ರೈತರ ಅನುಕೂಲಕ್ಕಾಗಿ ಸ್ವಸಹಾಯ ಸಂಘ, ಬ್ಯಾಂಕ್, ಸರ್ಕಾರ ಹಾಗೂ ನಬಾರ್ಡ್ ಮೂಲಕ ಸಾಕಷ್ಟು ನೆರವು ನೀಡಿ ಪ್ರೋತ್ಸಾಹಿಸುತ್ತಿದೆ. 8 ಲಕ್ಷಕ್ಕಿಂತ ಅಧಿಕ ರೈತರು 40 ಲಕ್ಷಕ್ಕಿಂತ ಅಧಿಕ ಮಹಿಳೆಯರು, 2.5 ಲಕ್ಷ ಪ್ರಗತಿಬಂಧು ರೈತ ಸಂಘಗಳಿದ್ದು, ಇಲಾಖೆ, ವಿಶ್ವವಿದ್ಯಾಲಯಗಳ ಮೂಲಕ ಕೃಷಿ ತರಬೇತಿ ನೀಡಲಾಗುತ್ತಿದೆ. ಕೇಂದ್ರ ಸರ್ಕಾರದ ಸಾಮಾನ್ಯ ಸೇವಾ ಕೇಂದ್ರಗಳ ಮೂಲಕ ಲಕ್ಷಾಂತರ ರೈತರ ನೋಂದಣಿ ಮಾಡಿ ಅವರನ್ನು ಸರ್ಕಾರದ ಯೋಜನೆಯ ಫಲಾನುಭವಿಗಳನ್ನಾಗಿ ಮಾಡಲು ಸಹಕರಿಸಲಾಗಿದೆ ಎಂದರು.
