ಯಾವೆಲ್ಲ ಕೃಷಿ ಚಟುವಟಿಕೆಗಳಿಗೆ ಅನುಕೂಲ?: ಅಡಿಕೆ, ತೆಂಗು, ಮಾವು, ಬಾಳೆ ಸೇರಿ ತೋಟಗಾರಿಕಾ ಬೆಳೆಗಳಿಗೆ ರಾಸಾಯನಿಕ ಸಿಂಪಡಣೆ, ಗೊಬ್ಬರವನ್ನು ಮನೆಯಿಂದ ತೋಟಗಳಿಗೆ ಕೊಂಡೊಯ್ಯಲು, 500ಕ್ಕೂ ಹೆಚ್ಚಿನ ತೆಂಗಿನಕಾಯಿ, ಹುಲ್ಲುಗಳನ್ನು ತೋಟದಿಂದ ಮನೆಗೆ ತರುವುದು ಸೇರಿ ಇತರೆ ಕೃಷಿ ಚಟುವಟಿಕೆಗಳಿಗೆ ಬಳಸಬಹುದಾಗಿದೆ. ಮುಂದಿನ ದಿನಗಳಲ್ಲಿ ಟಿಲ್ಲರ್, ವೀಡ್ ಕಟರ್, ಕಾರ್ಬನ್ ಫೈಬರ್ ದೋಟಿ, ಅಲ್ಯೂಮಿನಿಯಂ ದೋಟಿ/ ಏಣಿ ಗಾರ್ಡನ್ ಟೂಲ್ಸ್ಗಳನ್ನು ಸೇರ್ಪಡೆ ಮಾಡಿ ಅಪ್ಗ್ರೇಡ್ ಮಾಡುವ ಆಲೋಚನೆ ಹೊಂದಲಾಗಿದೆ ಎನ್ನುತ್ತಾರೆ ತಯಾರಕ ವಿಶ್ವನಾಥ್. ಶಿವಮೊಗ್ಗದಲ್ಲಿ ವಾಹನ ತಯಾರಿಕೆ ಮಾಡಲಾಗುತ್ತಿದೆ. ಈ ವಾಹನವನ್ನು ಕೀಳಂಬಿ ಅಗ್ರಿ ಟೂಲ್ಸ್ನೊಂದಿಗೆ ಮಾರ್ಕೆಟ್ ಸಹಯೋಗ ಹೊಂದಿದೆ. ಇತ್ತೀ ಚಿನ ದಿನಗಳಲ್ಲಿ ಪ್ರಚಾರ ದೊರೆಯುತ್ತಿರುವ ಕಾರಣ ಬೇಡಿಕೆ ಬರುತ್ತಿದೆ ಎನ್ನುತ್ತಾರೆ.
