ಪ್ರವಾಸೋದ್ಯಮ ಇಲಾಖೆ ನಿರ್ಲಕ್ಷ್ಯ: ಸುರುಮನೆ ಜಲಪಾತ ಸೇರಿ ವಶಿಷ್ಠ ತೀರ್ಥ, ಕ್ಯಾತನಮಕ್ಕಿ, ಮೈದಾಡಿ, ಕುದುರೆಮುಖ ಶಿಖರ, ಕುರುಂಜಲ್ ಗುಡ್ಡ, ಅಂಬಾತೀರ್ಥ, ಕಲಶೇಶ್ವರ ದೇವಸ್ಥಾನ, ಹೊರನಾಡು ದೇವಸ್ಥಾನ ಅನೇಕ ಪ್ರವಾಸಿ ತಾಣಗಳಿವೆ. ಸಾವಿರಾರು ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ಇದರಿಂದ ಹೋಮ್ ಸ್ಟೇ, ಮಲೆನಾಡು ಉತ್ಪನ್ನಗಳ ಅಂಗಡಿ ಮಳಿಗೆಗಳು, ಹೋಟೆಲ್, ಲಾಡ್ಜ್ಗಳನ್ನು ಮಾಡಿ ವ್ಯವಹಾರ ಮಾಡುತ್ತಿರುವುದರಿಂದ ಅನೇಕ ಕುಟುಂಬಗಳ ಜೀವನವೂ ನಡೆಯುತ್ತಿದೆ. ನೂರಾರು ಯುವಕರಿಗೆ ಉದ್ಯೋಗವೂ ಸಿಗುತ್ತಿದೆ. ಆದರೆ ಪ್ರವಾಸೋದ್ಯಮ ಇಲಾಖೆ ಇಲ್ಲಿ ರಸ್ತೆ ಸೇರಿ ಯಾವುದೇ ಮೂಲ ಸೌಲಭ್ಯ ಕಲ್ಪಿಸದಿರುವುದರಿಂದ ಗ್ರಾಮಗಳ ಅಭಿವೃದ್ಧಿಗೂ ತೊಂದರೆಯಾಗಿದೆ.
