ಬೆಸೂರು ಕೂಡ್ಲೂರು ಗ್ರಾಮದ ನಿವಾಸಿ ಅನಂತರಾಜು ಅವರ ಮನೆಯ ಬಳಿ ಬೆಳೆದಿದ್ದ ಭಾರಿ ಗಾತ್ರದ ಮರ ಬುಡ ಸಮೇತವಾಗಿ ಮನೆಯ ಕೆಳ ಭಾಗದಲ್ಲಿರುವ ನಾಟಿ ಮಾಡಿದ ಗದ್ದೆಯ ಮೇಲೆ ಬಿದ್ದಿದೆ. ಮರ ಬುಡ ಸಮೇತವಾಗಿ ಬಿದ್ದ ಪರಿಣಾಮ ಅನಂತ್ರಾಜು ಅವರ ವಾಸದ ಮನೆ ಬುಡದವರೆಗೂ ಮಣ್ಣು ಕುಸಿದಿದ್ದು, ಗಾಳಿ ಮಳೆ ಜಾಸ್ತಿಯಾದಲ್ಲಿ ಮತ್ತಷ್ಟು ಮಣ್ಣು ಕುಸಿಯುವ ಆತಂಕ ಎದುರಾಗಿದೆ. ಒಂದು ವೇಳೆ ಮಣ್ಣು ಕುಸಿಯುತ್ತಾ ಬಂದರೆ ಇಡೀ ಮನೆ ಕುಸಿಯುವ ಸಾಧ್ಯತೆ ಇದೆ. ಈ ಕುರಿತು ಮನೆ ಮಾಲೀಕ ಅನಂತ್ರಾಜ್ ಸಂಬಂಧ ಪಟ್ಟ ಕೊಡ್ಲಿಪೇಟೆ ಕಂದಾಯ ಇಲಾಖೆ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಈ ಕುರಿತು ಕಂದಾಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
