ಕರೊನಾ ಬಿಕ್ಕಟ್ಟು ಎದುರಾಗಿರುವ ಹಿನ್ನೆಲೆಯಲ್ಲಿ ಏಪ್ರಿಲ್ ಹಾಗೂ ಮೇ ತಿಂಗಳ ಪಡಿತರ ಒಟ್ಟಿಗೆ ವಿತರಿಸಲು ಸರ್ಕಾರ ಸೂಚಿಸಿದ್ದು, ಮೊಬೈಲ್ ಒಟಿಪಿ ಅಥವಾ ಚೆಕ್ಲೀಸ್ಟ್ ಮೂಲಕ ಉಚಿತ ಪಡಿತರ ನೀಡಬೇಕೆಂದು ಆಹಾರ ಇಲಾಖೆ ಆದೇಶಿಸಿದೆ. ಆದರೆ ಕೆಲ ನ್ಯಾಯಬೆಲೆ ಅಂಗಡಿಗಳ ಮಾಲೀಕರು ಬಯೋಮೆಟ್ರಿಕ್ ಹೆಸರಿನಲ್ಲಿ 20 ರೂ. ಶುಲ್ಕ, 1-2 ಕೆಜಿ ಕಡಿಮೆ ಪಡಿತರ ವಿತರಣೆ, ಕಾರ್ಡ್ದಾರರಿಗೆ ಅನಗತ್ಯವಾಗಿ ಕಿರುಕುಳ ನೀಡುತ್ತಿದ್ದಾರೆ. ಈ ಕಾರಣಕ್ಕಾಗಿ 45 ನ್ಯಾಯ ಬೆಲೆ ಅಂಗಡಿಗಳ ಪರವಾನಗಿ ಅಮಾನತುಗೊಳಿಸಲಾಗಿದೆ. ಜತೆಗೆ ದಾವಣಗೆರೆಯಲ್ಲಿ 4, ಶಿವಮೊಗ್ಗದಲ್ಲಿ 3, ಬೆಂಗಳೂರು ಹಾಗೂ ಕೊಡಗಿನಲ್ಲಿ ತಲಾ 2, ಬೆಳಗಾವಿ, ಬಳ್ಳಾರಿ, ಹಾಸನ ಹಾಗೂ ರಾಮನಗರದಲ್ಲಿ ತಲಾ 1 ಕೇಸ್ ದಾಖಲಾಗಿದೆ.
