ಬಿ.ಎಡ್., ಎಂ.ಎಡ್., ಎಂಪಿ. ಎಡ್. ಪ್ರಾಯೋಗಿಕ ತರಬೇತಿ ಆಧಾರಿತ ಕೋರ್ಸ್ಗಳಾಗಿರುವುದರಿಂದ ಹಾಜರಾತಿ ಕಡ್ಡಾಯಗೊಳಿಸಲು ಈ ಕ್ರಮ ಅನುಸರಿಸಲಾಗುತ್ತಿದೆ. ತರಬೇತಿ ಆಧಾರಿತ ಕೋರ್ಸ್ಗಳ ಎಂಬ ನೆಪವೊಡ್ಡಿ ಖಾಸಗಿ ಕಾಲೇಜುಗಳ ಮೇಲೆ ಸವಾರಿ ಮಾಡಲಾಗುತ್ತಿದೆ ಎಂಬ ಆರೋಪ ವ್ಯಕ್ತವಾಗಿದೆ. ಸ್ನಾತಕ- ಸ್ನಾತಕೋತ್ತರ ಶಿಕ್ಷಣಕ್ಕೂ ಈ ನಿಯಮ ಪಾಲಿಸಬೇಕು. ಏಕೆಂದರೆ ಪ್ರವೇಶಾತಿ ಪಡೆಯುವ ಅದೆಷ್ಟೋ ವಿದ್ಯಾರ್ಥಿಗಳು ನೇರವಾಗಿ ಪರೀಕ್ಷೆಗೆ ಮಾತ್ರ ಹಾಜರಾಗುವ ಪರಿಪಾಠವಿದೆ. ಅಲ್ಲಿ ಬಯೋಮೆಟ್ರಿಕ್ ಹಾಜರಾತಿ ಇಲ್ಲದಿರುವುದರಿಂದ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳು ಖಾಸಗಿ ಕಂಪನಿಗಳು, ಗುತ್ತಿಗೆ ಆಧಾರದಲ್ಲಿ ದುಡಿಯುತ್ತಿದ್ದಾರೆ. ಆದ್ದರಿಂದ ಎಲ್ಲ ಕೋರ್ಸ್ಗಳಿಗೂ ಬಯೋಮೆಟ್ರಿಕ್ ಹಾಜರಾತಿ ವ್ಯವಸ್ಥೆ ಮಾಡಬೇಕು ಎಂದು ಹೆಸರು ಹೇಳಲಿಚ್ಚಿಸದ ಸಂಸ್ಥೆಯ ಮುಖ್ಯಸ್ಥರೊಬ್ಬರು `ವಿಜಯವಾಣಿ'ಗೆ ಪ್ರತಿಕ್ರಿಯಿಸಿದ್ದಾರೆ.
