ಆಭರಣಗಳಿಗಿಂತ ಕಣ್ಣು ಅಮೂಲ್ಯ

ಕುಣಿಗಲ್​: ಚಿನ್ನ, ವಜ್ರ, ವೈಡೂರ್ಯಗಳಿಗಿಂತ ಕಣ್ಣು ಅತ್ಯಮೂಲ್ಯವಾಗಿದೆ. ಹಾಗಾಗಿ ಕಣ್ಣಿನ ರಕ್ಷಣೆಗೆ ಹೆಚ್ಚಿನ ಗಮನ ನೀಡಬೇಕು ಎಂದು ಚಿನ್ನಾಗರ ಗ್ರಾಪಂ ಅಧ್ಯೆ ಮಮತಾ ರಮೇಶ್​ ಹೇಳಿದರು.

ತಾಲೂಕಿನ ಜಿನ್ನಾಗರದಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ಅಂಧತ್ವ ನಿಯಂತ್ರಣ ವಿಭಾಗ, ಚಿಗುರು ಫೌಂಡೇಷನ್​ ಮತ್ತು ಶ್ರದ್ಧಾ ಐಕೇರ್​ ಟ್ರಸ್ಟ್​ ಸಂಯುಕ್ತಾಶ್ರಯದಲ್ಲಿ ಹಮ್ಮಿಕೊಂಡಿದ್ದ ಉಚಿತ ಕಣ್ಣಿನ ತಪಾಸಣೆ ಹಾಗೂ ಶಸಚಿಕಿತ್ಸಾ ಶಿಬಿರ ಉದ್ಘಾಟಿಸಿ ಮಾತನಾಡಿ, ಆಭರಣಗಳಿಗಿಂತ ಹೆಚ್ಚಿನ ಮೌಲ್ಯ ಹೊಂದಿರುವ ಕಣ್ಣುಗಳನ್ನು ಜವಾಬ್ದಾರಿಯಿಂದ ಸಂರಸಿಕೊಳ್ಳಬೇಕು ಎಂದರು.

ಚಿಗುರು ಫೌಂಡೇಷನ್​ ಅಧ್ಯಕ್ಷ ಪುರುಷೋತ್ತಮ್​ ಮಾತನಾಡಿ ಜಗತ್ತಿನಲ್ಲಿ ವಿಜ್ಞಾನ ಬೆಳೆದಂತೆ ವಿವಿಧ ಚಟುವಟಿಕೆಗಳಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡು ಮನುಷ್ಯ ಆರೋಗ್ಯ ಹಾಳು ಮಾಡಿಕೊಳ್ಳುತ್ತಿದ್ದಾನೆ. ಈ ನಿಟ್ಟಿನಲ್ಲಿ ಚಿಗುರು ಪೌಂಡೇಷನ್​ನಿಂದ ಉಚಿತ ಕಣ್ಣಿನ ತಪಾಸಣೆ ಮತ್ತು ಶಸಚಿಕಿತ್ಸಾ ಶಿಬಿರವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಹೇಳಿದರು.

ಪಿಡಿಒ ನಂದೀಶ್​ ಮಾತನಾಡಿ ಎಪ್ಪತ್ತರ ದಶಕದಲ್ಲಿ ಕನ್ನಡಕ ಧರಿಸುವುದು ಎಂದರೆ ವಯಸ್ಸಾಯಿತು ಎಂಬ ಅರ್ಥ ಬರುತ್ತಿತ್ತು. ಆದರೆ ಇತ್ತೀಚಿನ ವರ್ಷಗಳಲ್ಲಿ ಕಣ್ಣುಗಳಿಗೆ ಸಂಬಂಧಿಸಿದ ತೊಂದರೆಗಳು ಮತ್ತು ಕನ್ನಡಕ ಮತ್ತು ಕಾಂಟ್ಯಾಕ್ಟ್​ ಲೆನ್ಸ್​ ಧರಿಸುವುದು ಸಾಮಾನ್ಯವಾಗಿದೆ. ಈ ಸ್ಥಿತಿಗೆ ಕಾರಣ ಅರ್ಥಮಾಡಿಕೊಂಡು ಕಣ್ಣಿನ ಆರೋಗ್ಯದ ಬಗ್ಗೆ ಎಚ್ಚರ ವಹಿಸಬೇಕು ಎಂದರು.

ಶಿಬಿರದಲ್ಲಿ 96 ಜನ ತಪಾಸಣೆಗೆ ಒಳಗಾಗಿದ್ದು, ಏಳು ಮಂದಿಗೆ ಶಸಚಿಕಿತ್ಸೆ ಮಾಡಲಾಯಿತು. ಶ್ರದ್ಧಾ ಐಕೇರ್​ನ ಡಾ.ಕುಪ್ಪಸ್ವಾಮಿ, ಬಿಜೆಪಿ ಮುಖಂಡ ಸತೀಶ್​ಗೌಡ, ಅರಣ್​, ಪುಪ್ಪಲತಾ, ಗುಲ್ಜಾರ್​ ಇದ್ದರು.