ಹವಾಮಾನ ವೈಪರೀತ್ಯ, ಕೂಲಿ ಆಳುಗಳ ಅಭಾವದಿಂದ ಎಲ್ಲರೂ ಕಟಾವು ಮಾಡಲು ನೂತನ ಯಂತ್ರಗಳನ್ನು ಅವಲಂಭಿಸು ವಂತಾಗಿದ್ದು ಇದನ್ನೇ ಬಂಡವಾಳ ಮಾಡಿಕೊಂಡ ಕಟಾವು ಯಂತ್ರದ ಮಾಲೀಕರು ದುಭಾರಿ ದರ ನಿಗದಿಮಾಡಿ ರೈತರಿಂದ ಹಣ ಪೀಕುತ್ತಿದ್ದಾರೆ.
ತಿಪಟೂರು, ಚಿಕ್ಕನಾಯಕನಹಳ್ಳಿ, ತುರುವೇಕೆರೆ, ಗುಬ್ಬಿ, ಶಿರಾ ತಾಲೂಕುಗಳ ಬಹು ತೇಕ ಹಳ್ಳಿಗಳ ರೈತರು ಏಕಕಾಲದಲ್ಲೇ ಕೊಯ್ಲಿಗೆ ಸಿದ್ಧವಾಗಿದ್ದು ಕೂಲಿಕಾರರ ಬೇಡಿಕೆ ಹೆಚ್ಚಾಗಿದೆ. ದುಬಾರಿ ಕೂಲಿಗೆ ಹೆದರಿ ಯಂತ್ರದ ಮೊರೆ ಹೋದರೂ ರೈತರಿಗೆ ಅನುಕೂಲವಾಗುತ್ತಿಲ್ಲ. ಕೂಡಲೇ ಜಿಲ್ಲಾಡಳಿತ ಯಂತ್ರಗಳಿಗೆ ನಿರ್ದಿಷ್ಟ ದರ ನಿಗದಿ ಮಾಡಬೇಕಾದ ಅಗತ್ಯವಿದೆ. ರಾಗಿ ಕೊಯ್ಲು ಕಟಾವಿಗೆ ಒಬ್ಬ ಕೂಲಿಕಾರನಿಗೆ ದಿನಕ್ಕೆ 500 ರೂ. ನೀಡಬೇಕಾಗಿದ್ದು ಒಂದು ಎಕರೆಯಲ್ಲಿ ಕಟಾವು ಮಾಡಲು ಕನಿಷ್ಠ 10 ಜನರು ಅಗತ್ಯವಿದ್ದು 5 ಸಾವಿರ ವೆಚ್ಚ ತಗುಲುತ್ತಿದೆ, ಬೇರೆ ಬೇರೆ ಊರುಗಳಿಂದ ಮುಂಗಡ ಹಣ ಕೊಟ್ಟು ಕರೆಸಿಕೊಳ್ಳುವ ಸ್ಥಿತಿ ಎದುರಾಗಿರು ವುದರಿಂದ ರೈತರು ಆಧುನಿಕ ತಂತ್ರಜ್ಞಾನದತ್ತ ಮೊರೆಹೋಗಿರುವುದೇ ಮಾಲೀಕರಿಗೆ ಬಂಡವಾಳವಾಗಿದೆ.
