ರಾಜ್ಯದಲ್ಲಿ ಆರ್ಥಿಕ ಸುಭದ್ರ ಜಿಲ್ಲೆಗಳ ಸಂಖ್ಯೆ ಕಡಿಮೆಯಿದೆ. ಅದು ಬ್ಯಾಂಕ್ ಸಾಲ ಮತ್ತು ಠೇವಣಿಯಿಂದ ಅಳೆಯಬಹುದಾಗಿದೆ. 2016-17ರಲ್ಲಿ ರಾಜ್ಯದ ಬ್ಯಾಂಕ್ಗಳು 6.15 ಲಕ್ಷ ಕೋಟಿ ರೂ. ಸಾಲ ನೀಡಿದ್ದವು. ಅದರಲ್ಲಿ ಬೆಂಗಳೂರಿನ ಪಾಲು 3.88 ಲಕ್ಷ ಕೋಟಿ ರೂ., ದಕ್ಷಿಣಕನ್ನಡ ಜಿಲ್ಲೆ 2.4 ಲಕ್ಷ ಕೋಟಿ ರೂ., ಬೆಳಗಾವಿ ಮತ್ತು ಮೈಸೂರು ಜಿಲ್ಲೆಗಳಲ್ಲಿ ತಲಾ 1.8 ಲಕ್ಷ ಕೋಟಿ ರೂ. ಬಿಡುಗಡೆಯಾಗಿದೆ. ಅದನ್ನು ಗಮನಿಸಿದರೆ ಆ ಜಿಲ್ಲೆಗಳು ಸುಭದ್ರ ಸಶಕ್ತ ಜಿಲ್ಲೆಗಳೆಂದು ಗುರುತಿಸಬಹುದು. ಚಾಮರಾಜನಗರ, ಬೀದರ್, ಕೊಡಗು, ಯಾದಗಿರಿ, ಚಿಕ್ಕಬಳ್ಳಾಪುರ, ಗದಗ, ಕೊಪ್ಪಳ, ರಾಮನಗರ, ಕೋಲಾರ ಸೇರಿ 11 ಜಿಲ್ಲೆಗಳು ಆರ್ಥಿಕವಾಗಿ ದುರ್ಬಲವಾಗಿವೆ. ಅಲ್ಲಿನ ಬ್ಯಾಂಕ್ಗಳು ನೀಡಿರುವ ಸಾಲದ ಮೊತ್ತ ಪ್ರತಿ ಜಿಲ್ಲೆಗೆ 2,361 ಕೋಟಿ ರೂ.ನಿಂದ 4,900 ಕೋಟಿ ರೂ. ಮಾತ್ರ.
