ಇನ್ನು ಮೇ.22ರವರೆಗೆ ಜಿಲ್ಲೆಯಲ್ಲಿ ಸಾಧಾರಣ ಮಳೆಯಾಗುವ ನಿರೀಕ್ಷೆ ಇದೆ ಎಂದು ಭಾರತೀಯ ಹವಾಮಾನ ಇಲಾಖೆ ಹಾಗೂ ಬೆಂಗಳೂರು ಕೃಷಿ ವಿಶ್ವವಿದ್ಯಾನಿಲಯ ತಿಳಿಸಿದೆ. ಮೇ.19ರಂದು 8 ಮಿ.ಮೀ, 20ರಂದು 14 ಮಿ.ಮೀ, 21ರಂದು 14 ಮಿ.ಮೀ ಹಾಗೂ 22ರಂದು 8 ಮಿ.ಮೀ ಮಳೆಯಾಗಬಹುದು. ಈ ಅವಧಿಯಲ್ಲಿ ಗರಿಷ್ಟ 32.5 ರಿಂದ 33.4 ಡಿಗ್ರಿ ಹಾಗೂ ಕನಿಷ್ಟ 23ರಿಂದ 23.4 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶವಿರಲಿದೆ. ಅಂತೆಯೇ ಗಾಳಿ ಪ್ರತಿ ಗಂಟೆಗೆ 9 ರಿಂದ 11 ಕಿ.ಮೀ ವೇಗದಲ್ಲಿ ಬೀಸುವ ಸಾಧ್ಯತೆ ಇದೆ. ಈ ಅವಧಿಯಲ್ಲಿ ರಾಗಿ, ಮೆಕ್ಕೆಜೊಳ, ಪಾಪ್ಕಾರ್ನ್, ಶಕ್ತಿಮಾನ್ ಜೋಳ, ನೆಲಗಡಲೆ, ಸೋಯಾ ಅವರೆ, ತೊಗರಿ, ಹೆಸರು, ಉದ್ದು, ಅಲಸಂಧೆ ಬೆಳೆಯನ್ನು ಬೆಳೆಯಬಹುದು ಎಂದು ವರದಿಯಲ್ಲಿ ತಿಳಿಸಿದೆ.
