ಉಡುಪಿ: ಬಿಜೆಪಿಯಲ್ಲಿ ದೇಶಕ್ಕೊಂದು, ರಾಜ್ಯಕ್ಕೊಂದು ವ್ಯತಿರಿಕ್ತ ಸಿದ್ಧಾಂತವಿದೆ. ದೇಶದಲ್ಲಿ ಹಿಂದುತ್ವದ ಸಿದ್ಧಾಂತದಲ್ಲಿ ಕೆಲಸ ಮಾಡಲಾಗುತ್ತಿದೆ. ರಾಜ್ಯದಲ್ಲಿ ಹಿಂದುತ್ವದ ವಿಚಾರಕ್ಕೆ ತಿಲಾಂಜಲಿ ನೀಡಲಾಗಿದೆ. ರಾಷ್ಟ್ರೀಯವಾದದಿಂದ ಜಾತಿವಾದದತ್ತ ಹೊರಳುತ್ತಿದೆ ಎಂದು ಮಾಜಿ ಉಪಮುಖ್ಯಮಂತ್ರಿ ಈಶ್ವರಪ್ಪ ಆರೋಪಿಸಿದ್ದಾರೆ.
ಉಡುಪಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬಿಜೆಪಿ ಅಪ್ಪ-ಮಕ್ಕಳ ಕೈಗೆ ಬಿಜೆಪಿ ಸಿಕ್ಕಿಬಿಟ್ಟಿದೆ. ಯಡಿಯೂರಪ್ಪ ಮತ್ತು ವಿಜಯೇಂದ್ರ ಹಿಂದೆ ಮುಂದೆ ಸುತ್ತುವವರಿಗೆ ಟಿಕೇಟ್ ನೀಡಲಾಗುತ್ತಿದೆ. ಜನಸಂಘ ಮತ್ತು ಆರ್ ಎಸ್ ಎಸ್ ಕಾರ್ಯಕರ್ತರ ತಪಸ್ಸು ಒಂದು ಕುಟುಂಬಕ್ಕೆ ಬಲಿಯಾಗಿದೆ ಎಂದು ಹೇಳಿದರು.
30 ವರ್ಷದಿಂದ ಬಿಜೆಪಿಗೆ ನಿಷ್ಠ್ಠರಾಗಿದ್ದವರನ್ನು ಪಕ್ಕಕ್ಕೆ ಸರಿಸಿ, ಎಡಪಂಥೀಯ ಹಾಗೂ ಹಿಂದು ವಿರೋಧಿ ಶಾಂತಿ ನಡಿಗೆಯ ನೇತೃತ್ವ ವಹಿಸಿದವರಿಗೆ ಜಾತಿ ಕಾರಣಕ್ಕಾಗಿ ಟಿಕೆಟ್ ಕೊಡಲಾಗಿದೆ. ಬಿಜೆಪಿ ಸಾಮೂಹಿಕ ನೇತೃತ್ವದ ಬದಲು ಕುಟುಂಬದ ಕೈಗೆ ಹೋಗಿದೆ. ಕೇಂದ್ರ ನಾಯಕರಿಗೆ ಪಕ್ಷದ ಗೆಲುವುಗೆ ಯಡಿಯೂರಪ್ಪ ಅಗತ್ಯವೆಂಬ ಭ್ರಮೆ ಮೂಡಿಸಲಾಗಿದೆ ಬಿಜೆಪಿ ಶುದ್ಧೀಕರಣವಾಗಬೇಕು. ಇದಕ್ಕಾಗಿ ನಾನೂ ಲೋಕಸಭಾ ಚುನಾವಣೆಗೆ ಹಾಗೂ ರುಪತಿ ಭಟ್ ಅವರು ಪದವೀಧರ ಚುನಾವಣೆಗೆ ಸ್ಪರ್ಧಿಸಿದ್ದೇವೆ. ನಮ್ಮದು ವೈಚಾರಿಕ ಸಂರ್ಷ ಎಂದು ಹೇಳಿದರು.
ಕೃಷ್ಣನ ಮುಂದೆ ಪ್ರಮಾನ ಮಾಡಲಿ!
ಲೋಕಸಭಾ ಚುನಾವಣೆಯಲ್ಲಿ ರಘುಪತಿ ಭಟ್ ಅವರಿಗೆ ಶಿವಮೊಗ್ಗ ಉಸ್ತುವಾರಿ ಕೊಡಲಾಗಿತ್ತು. 42 ದಿನ ಶಿವಮೊಗ್ಗದ ಹಳ್ಳಿ ಹಳ್ಳಿಯಲ್ಲಿ ಅವರು ಸುತ್ತಾಟ ನಡೆಸಿ ಪ್ರಚಾರ ಮಾಡಿದ್ದರು. ಈ ಸಂದರ್ಭದಲ್ಲಿ ಅಪ್ಪ ಮತ್ತು ಮಕ್ಕಳು ನಿಮಗೇ ಪರಿಷತ್ತು ಟಿಕೆಟ್ ಎಂದು ನಂಬಿಸಿ ಕೆಲಸ ಮಾಡಿಸಿದರು. ಈ ಮಾತು ಸುಳ್ಳು ಎಂದಾದರೆ ನಾವು ಭಟ್ರಿಗೆ ಮಾತು ಕೊಡಲಿಲ್ಲ ಎಂದು ಕೃಷ್ಣ್ಣಮಠಕ್ಕೆ ಬಂದು ಪ್ರಮಾಣ ಮಾಡಲಿ ಎಂದು ಸವಾಲು ಹಾಕಿದರು.
