ತ್ರಿಶಂಕು ಸ್ಥಿತಿಯಲ್ಲಿ ಇಎಸ್​ಐ ಆಸ್ಪತ್ರೆ!

ವೆಂಕಟರಾಜು ಎಸ್​.ದೊಡ್ಡಬಳ್ಳಾಪುರ

ದೊಡ್ಡಬಳ್ಳಾಪುರದ ಕೈಗಾರಿಕಾ ಪ್ರದೇಶದಲ್ಲಿನ ನೂರಾರು ಗಾರ್ಮೆಂಟ್ಸ್​, ಫ್ಯಾಕ್ಟರಿ, ವಿವಿಧ ಕಂಪನಿಗಳಲ್ಲಿ ಪ್ರತಿದಿನ ದುಡಿದು ತಿಂಗಳಿಗೊಮ್ಮೆ ಸಂಬಳದ ಮುಖ ನೋಡುವ ಲಾಂತರ ಕಾರ್ಮಿಕರ ಪಾಲಿನ ಸಂಜೀವಿನಿಯಾಗಿ ಆರೋಗ್ಯ ಕಾಪಾಡಾಬೇಕಿದ್ದ ಇಎಸ್​ಐ ಆಸ್ಪತ್ರೆಗೆ ಅನಾರೋಗ್ಯ ಹಿಡಿದಿದೆ.

ಕಟ್ಟಡ ನಿರ್ಮಾಣವಾಗಲು 10 ವರ್ಷ ಬೇಕಾಯಿತು. ಇದೀಗ ಆಸ್ಪತ್ರೆಯನ್ನು ಕೇಂದ್ರ ನಿರ್ವಹಣೆ ಮಾಡಬೇಕೋ ಅಥವಾ ರಾಜ್ಯ ನಿರ್ವಹಣೆ ಮಾಡಬೇಕೋ ಎಂಬ ಜಿಜ್ಞಾಸೆ ಮೂಡಿದೆ. ಈ ತೀರ್ಮಾನ ಕೈಗೊಳ್ಳಲು ಮೂರೂವರೆ ವರ್ಷ ಕಳೆದಿದೆ. ಆದರೆ ಅಂತಿಮ ತೀರ್ಮಾನಕ್ಕೆ ಯಾವ ಸರ್ಕಾರವು ಮುಂದಾಗಿಲ್ಲ. ಸುಸಜ್ಜಿತ ಕಟ್ಟಡವಿದ್ದರೂ ಹೈಟೆಕ್​ ಆಸ್ಪತ್ರೆಗೆ ಬೇಕಾಗಿರುವ ಆತ್ಯಾಧುನಿಕ ಮೆಡಿಕಲ್​ ಉಪಕರಣಗಳು ಆಸ್ಪತ್ರೆಗೆ ಕಾಲಿಡಲು ಎಷ್ಟು ವರ್ಷ ಹಿಡಿಯುವುದೋ ದೇವರೇ ಬಲ್ಲ. ಕಾರ್ಮಿಕರ ರಾ ಕವಚವಾಗಬೇಕಿದ್ದ ಇಎಸ್​ಐ ಆಸ್ಪತ್ರೆಯೇ ಇದೀಗ ತ್ರಿಶಂಕು ಸ್ಥಿತಿಯಲ್ಲಿರುವುದು ತಾಲೂಕಿನ ಕಾರ್ಮಿಕರ ದೌರ್ಭಾಗ್ಯವೇ ಸರಿ.

2014ರಲ್ಲಿ ಸಿದ್ದರಾಮಯ್ಯ ಭೂಮಿ ಪೂಜೆ: ಬಾಶೆಟ್ಟಿಹಳ್ಳಿ ಕೈಗಾರಿಕಾ ಪ್ರದೇಶದ ಅರೆಹಳ್ಳಿ, ಗುಡ್ಡದಹಳ್ಳಿ ಸಮೀಪ 2014ರಲ್ಲಿ ಸಿದ್ದರಾಮಯ್ಯ ಸಿಎಂ ಆಗಿದ್ದಾಗ ಶಂಕು ಸ್ಥಾಪನೆಯಾಗಿದ್ದ 100 ಹಾಸಿಗೆಗಳ ಇಎಸ್​ಐ ಆಸ್ಪತ್ರೆ ನಿರ್ಮಾಣ ಕಾಮಗಾರಿ ಮುಕ್ತಾಯವಾಗಿದೆ. ಸಿದ್ದರಾಮಯ್ಯ 2ನೇ ಬಾರಿಗೆ ಸಿಎಂ ಆಗಿ ಅಧಿಕಾರ ವಹಿಸಿಕೊಂಡರೂ ಆಸ್ಪತ್ರೆಗೆ ಮಾತ್ರ ಉದ್ಘಾಟನೆ ಭಾಗ್ಯ ಕೂಡಿ ಬಂದಿಲ್ಲ.

ಆರೋಗ್ಯ ಸೌಲಭ್ಯಗಳಿಂದ ವಂಚಿತ : ರಾಜಕೀಯ ಲಾಭ&ನಷ್ಟದ ಲೆಕ್ಕಾಚಾರದಲ್ಲಿ 10 ವರ್ಷಗಳಿಂದ ಆರೋಗ್ಯ ಸೌಲಭ್ಯಗಳಿಂದ ಕಾರ್ಮಿಕರು ವಂಚಿತರಾಗಿದ್ದಾರೆ. ಆರೋಗ್ಯ ಸೇವೆಗೆ ಸಿದ್ಧವಾಗಿದ್ದ ಇಎಸ್​ಐ ಆಸ್ಪತ್ರೆಯನ್ನಾದರೂ ಸೂಕ್ತ ಸಮಯದಲ್ಲಿ ಉದ್ಘಾಟಿಸಿದಿದ್ದರೆ ಸಹಾಯವಾಗುತ್ತಿತ್ತು. ಸಾವಿರಾರು ಕಾರ್ಮಿಕರು ಕೆಲಸ ಮಾಡುತ್ತಿರುವ ಪ್ರದೇಶದಲ್ಲಿ ಸೂಕ್ತ ಆಸ್ಪತ್ರೆ ಸೌಲಭ್ಯ ಇಲ್ಲ. ರಾಜಕೀಯದ ಹಿನ್ನೆಲೆ ಏನೇ ಇದ್ದರೂ ಕಾರ್ಮಿಕರ ಅನುಕೂಲಕ್ಕಾಗಿ ನಿರ್ಮಿಸಿರುವ ಆಸ್ಪತ್ರೆ ಶ್ರೀ ಉದ್ಘಾಟಿಸಬೇಕು ಎಂಬುದು ಕಾರ್ಮಿಕರ ಒತ್ತಾಯವಾಗಿದೆ.

ನಾಲ್ಕು ಹಂತಗಳಲ್ಲಿ ವಿಸ್ತರಣೆ : ಬಾಶೆಟ್ಟಿಹಳ್ಳಿ ಕೈಗಾರಿಕಾ ಪ್ರದೇಶ ನಾಲ್ಕು ಹಂತಗಳಲ್ಲಿ ವಿಸ್ತರಣೆಯಾಗಿದೆ. ವಿದೇಶಿ ಕಂಪನಿಗಳು ಸೇರಿ ಹತ್ತಾರು ಬಗೆಯ ಕೈಗಾರಿಕೆಗಳು ಇಲ್ಲಿ ಸ್ಥಾಪನೆಯಾಗಿದ್ದು, ಇನ್ನೂ ಹಲವು ಕೈಗಾರಿಕೆ ಸ್ಥಾಪಿಸಲು ಭೂಸ್ವಾಧಿನ ನಡೆಯುತ್ತಲೇ ಇದೆ. ಇಲ್ಲಿನ ಕೈಗಾರಿಕಾ ಪ್ರದೇಶದ ಗಾಮೆಂರ್ಟ್ಸ್​ ಸೇರಿ ಹಲವು ಬೃಹತ್​ ಕೈಗಾರಿಕೆಗಳಲ್ಲಿ ಲಾಂತರ ಕಾರ್ಮಿಕರು ಕೆಲಸ ಮಾಡುತ್ತಿದ್ದಾರೆ. ಹೊಸ ಕೈಗಾರಿಕೆಗಳಿಂದ ಸಾವಿರಾರು ಕಾರ್ಮಿಕರು ಇಲ್ಲಿಯೇ ನೆಲೆಯೂರುವಂತಾಗಿದ್ದು, ಕಾರ್ಮಿಕರ ಆರೋಗ್ಯಕ್ಕಾಗಿ ಸೂಕ್ತ ಇಎಸ್​ಐ ಆಸ್ಪತ್ರೆ ಇಲ್ಲವಾಗಿದೆ.

ರಾಜಕೀಯ ಲಾಭ&ನಷ್ಟಕ್ಕೆ ಒಳಗಾದ ಆಸ್ಪತ್ರೆ : ಕೇಂದ್ರದಲ್ಲಿ ಮಲ್ಲಿಕಾರ್ಜುನ ರ್ಖಗೆ ಕಾರ್ಮಿಕ ಸಚಿವರಾಗಿದ್ದಾಗ ಆಸ್ಪತ್ರೆಯ ಮಂಜೂರಾತಿ ಪ್ರಕ್ರಿಯೆ ಪೂರ್ಣಗೊಂಡು ಶಂಕುಸ್ಥಾಪನೆಯಾಗಿತ್ತು. 100 ಹಾಸಿಗೆ ಆಸ್ಪತ್ರೆ ಕೇಂದ್ರದ ಕಾರ್ಮಿಕ ಇಲಾಖೆ ನೆರವಿನಿಂದೊಂದಿಗೆ ನಿರ್ಮಾಣವಾಗಿದೆ. ಈ ಹಿಂದೆ ಸ್ಥಳಿಯವಾಗಿ ಕಾಂಗ್ರೆಸ್​ ಶಾಸಕರು ಇದ್ದರು. ಈಗ ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ಇದೆ. ಹೀಗಾಗಿ ಕಟ್ಟಡ ನಿರ್ಮಾಣವಾಗಿದ್ದರೂ ಉದ್ಘಾಟಿಸದೆ ಮುಂದೂಡಲಾಗುತ್ತಿದೆ. ಈಗ ಸ್ಥಳಿಯ ಬಿಜೆಪಿ ಶಾಸಕರು ಆಯ್ಕೆಯಾಗಿದ್ದಾರೆ. ಆದರೆ ರಾಜ್ಯದಲ್ಲಿ ಕಾಂಗ್ರೆಸ್​ ಆಡಳಿತವಿದ್ದು, ರಾಜಕಾರಣಿಗಳಿಗೆ ಇಚ್ಛಾಶಕ್ತಿ ಕೊರತೆ ಎದುರಾಗಿದೆ.

ಆರೋಗ್ಯ ಸೌಲಭ್ಯಗಳಿಂದ ವಂಚಿತ : ರಾಜಕೀಯ ಲಾಭ&ನಷ್ಟದ ಲೆಕ್ಕಾಚಾರದಲ್ಲಿ 10 ವರ್ಷಗಳಿಂದ ಆರೋಗ್ಯ ಸೌಲಭ್ಯಗಳಿಂದ ಕಾರ್ಮಿಕರು ವಂಚಿತರಾಗಿದ್ದಾರೆ. ಆರೋಗ್ಯ ಸೇವೆಗೆ ಸಿದ್ಧವಾಗಿದ್ದ ಇಎಸ್​ಐ ಆಸ್ಪತ್ರೆಯನ್ನಾದರೂ ಸೂಕ್ತ ಸಮಯದಲ್ಲಿ ಉದ್ಘಾಟಿಸಿದಿದ್ದರೆ ಸಹಾಯವಾಗುತ್ತಿತ್ತು. ಸಾವಿರಾರು ಕಾರ್ಮಿಕರು ಕೆಲಸ ಮಾಡುತ್ತಿರುವ ಪ್ರದೇಶದಲ್ಲಿ ಸೂಕ್ತ ಆಸ್ಪತ್ರೆ ಸೌಲಭ್ಯ ಇಲ್ಲ. ರಾಜಕೀಯದ ಹಿನ್ನೆಲೆ ಏನೇ ಇದ್ದರೂ ಕಾರ್ಮಿಕರ ಅನುಕೂಲಕ್ಕಾಗಿ ನಿರ್ಮಿಸಿರುವ ಆಸ್ಪತ್ರೆ ಶ್ರೀ ಉದ್ಘಾಟಿಸಬೇಕು ಎಂಬುದು ಕಾರ್ಮಿಕರ ಒತ್ತಾಯವಾಗಿದೆ.