ಅಶ್ವಾರೂಢ ಬಸವೇಶ್ವರರ ಕಂಚಿನ ಪ್ರತಿಮೆ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ

ಲಿಂಗಸುಗೂರು: ತಾಲೂಕಿನ ಬಸವಸಾಗರ ಜಲಾಶಯ ಮುಂಭಾಗದ ಜಾವೂರ್ ಕ್ರಾಸ್ ಬಳಿ ಅಶ್ವಾರೂಢ ಬಸವೇಶ್ವರರ ಕಂಚಿನ ಪ್ರತಿಮೆ ನಿರ್ಮಾಣ ಕಾಮಗಾರಿಗೆ ಶಾಸಕ ಡಿ.ಎಸ್.ಹೂಲಗೇರಿ ಗುರುವಾರ ಭೂಮಿಪೂಜೆ ನೆರವೇರಿಸಿದರು.

ನಂತರ ಮಾತನಾಡಿ, ಬಸವಸಾಗರ ಜಲಾಶಯ ನಿರ್ಮಾಣ ಹಂತದಿಂದ ಬಸವೇಶ್ವರ ಪ್ರತಿಮೆ ನಿರ್ಮಿಸುವ ಕುರಿತು ಈ ಭಾಗದ ಜನರ ಬಹುದಿನದ ಬೇಡಿಕೆ ಇದೀಗ ಕಾಲ ಸನ್ನಿಹಿತವಾಗಿದೆ. ಕೆಬಿಜೆಎನ್‌ಎಲ್ ಇಲಾಖೆ 1 ಕೋಟಿ ರೂ. ವೆಚ್ಚದಲ್ಲಿ ಪ್ರತಿಮೆ ನಿರ್ಮಿಸಲು ಟೆಂಡರ್ ನೀಡಿದ್ದು, 6 ತಿಂಗಳಲ್ಲಿ ಕೆಲಸ ಪೂರ್ಣಗೊಳ್ಳಲಿದೆ ಎಂದರು.

ತಾಪಂ ಸದಸ್ಯ ಸೈಯದ್ ಖಾದ್ರಿ, ಮುಖಂಡರಾದ ಹೊನ್ನಪ್ಪ ಮೇಟಿ, ಗುಂಡಪ್ಪ ನಾಯಕ, ಪಾಮಯ್ಯ ಮುರಾರಿ, ಜೀವಲೆಪ್ಪ ನಾಯ್ಕ, ಲಿಂಗರಡ್ಡೆಪ್ಪ ನಾಡಗೌಡ, ಶಂಕರ ನಾಯ್ಕ, ಮಹಾಂತಣ್ಣ ನಾಡಗೌಡ, ರಾಘವೇಂದ್ರರಾವ್ ದೇಸಾಯಿ ಇತರರು ಇದ್ದರು.